2013年5月21日星期二

淘絲襪

今晚原本要貢獻給我的向日葵(絲帶繡),但終於不成事,用嚟淘寶了。不要以為我會淘寶上癮,走上不歸路,大凡要很用錢的玩意,我上不了癮,那些不花甚麼錢但很用精神,很用時間的,對了心意時,我會一頭舂埋去(常常唔記得起番身)。

今晚淘寶緣於一對絲襪。三十元買的一對絲襪,今日第一次穿,一天辦公室時間(唔使擔擔抬抬),對絲襪就被裙邊摩擦起了毛絲點點點點~ ~,講緊三十元一對喎,但怎麼像十元八塊的貨色。絲襪褲襪穿得多,三十元一對都如此不耐穿,自然要想法子錫下個銀包,所以咪上淘寶去看看囉,一看就兩粒鐘,貨物多必然眼花撩亂,唉,明日還要繼續淘!

我的向日葵啊!還未見初影!

 

8 則留言:

DeepC 說...

哈哈, 這個真是有排看. ^^

CC 說...

哈, 係呀, 一睇就睇一輪!

!? 說...

O岩就擺曬入購物籃
攤凍一陣再睇下邊D真係值得買
我購物籃好多野
但真係買嘅唔多
訓完覺再睇可能已經唔想買

Coffee 說...

DeepC︰

係呀!要的只係一點點,却要花好多時間去淘!

Coffee 說...

CC︰

咪係!睇睇下我去咗睇內衣褲,哈哈~
又,謝謝你提供的店家。

Coffee 說...

靚靚︰

絲襪爛得太快,焗住淘下睇有冇收穫,我其中訂了的十對,全部唔使十元人民幣一對,睇下收貨時係咩貨色,千祁唔好次貨到不行呀!

!? 說...

啲質素點話我知喎
嘻嘻

Coffee 說...

靚靚︰

好呀,我都心急想知:p

Related Posts Plugin for WordPress, Blogger...