很久以前有位舊同事，嗜辣無比，可以說得上是一餐無辣都不行，所以她的包包永遠都比一般女生的包包多了一樣東西，就係一樽辣椒醬，一旦在酒樓餐廳用膳，她就要開動私家辣椒醬。記得她比較常備的是桂林特辣辣椒醬，叫碗湯粉麵，然後落一大匙那辣椒醬都未夠，原本白白淨的一碗湯粉麵，即刻風雲變色成一碗血池地獄，吃得津津有味，一樽辣椒醬，她幾個午餐就可幹掉。嗜辣的人見唔少，但像她這般吃法的，沒見過。
與她共事一年，那一年，她因胃出血入了醫院，我們才知她已是第三次因過度吃辣令胃出血要入醫院，醫生家人力勸她戒辣，或者食少點，不要食太辣的，但她做不到，因為已不是無辣不歡咁簡單了，是辣少點她都覺得食之無味。第三次入院時，她丈夫失望極了，最後通牒，說如果再不控制，再因吃辣吃到要入醫院，就離婚。後來終於都係離了婚。
說到這裡，眾人七嘴八舌插話，盡見無良︰
哇，因為吃辣而離婚都係第一次聽！
咁之後佢點呀？
無呀，只做過一年同事，無聯絡，唔知喎！
真係慘，吃辣椒啫，朋友都冇埋！
喂呀，我同佢只係好一般嘅同事關係！
即刻劃清界線，幾現實呀！
咦，想點呀你哋？
無，人哋已經咁慘，仲要連朋友都無埋！
係囉，人家吸毒都起碼有啲毒友朋友呀，佢吃辣真係咩朋友都無，幾慘呀！
唉，眾叛親離！
(眾笑)
．．．．．．
16 則留言:
點解四川人嗜辣又無事呢, 還是麻辣.
又係心癮出事.
其實過辣是吃不出真味, 什麼都是單一的辣味及辣感, 那裡是在品味, 餐餐如是者, 只是過心癮 及 自制不了.
身邊人及當事人如用錯方法, 係很難幫到當事人去戒癮的.
ep︰
咁我又真係唔知原因，我媽媽很吃得辣，亦是無辣不歡的，但從未胃痛過。
不過嗰個舊同事吃的份量同辣的程度是超勁的。
DeepC︰
亦有可能她的味覺出問題了，一般不喜歡進食，一個飯盒，米飯難撈辣醬，她食一半不到就唔想食了，食慾不振。
我覺得食得辣嘅人味覺都冇咁敏銳
火燒後欄的滋味
吃得這麼辣, 味覺不出事才奇啦.
過辣吃不出味, 那就加鹽 (辣醬就是有鹽, 吃得多醬就同等吃更多的鹽), 吃鹽多的人較容易有高血壓, 有高血壓的人味覺是差一點的, 吃什麼都覺得淡, 所以不自覺地吃得重味, 這樣循環發展, 信相大家會猜到跟著發生什麼事.
吃勁辣, 其實是吃不出味, 辣得舌麻, 很多香味及甜味都嚐不到,只餘下咸及某些香料的味, 那會是好吃丫!? 過辣癮就必定有, 那是一種很不同的感覺, 又麻又出汗, 特別是一大班人一起吃勁辣的食物, 真的很high.
可能是有點病態了, 難以自拔了. 付上了健康及婚姻.
正牌辣妹！
近十多年的研究發現，有一種腦退化症，在二十歲尾已經出現輕微病徵，就是該人只專注某一不當行為，卻完全不理任何人的勸告，情況就好似瘋狂食辣椒咁，根本不是口味問題．
靚靚︰
不要經常食過辣，就ok 架！
卡臣︰
下！明啲唔明啲！
DeepC︰
記得佢真係唔多食其他嘢，該是有問題！
CC︰
係呀，走火入魔！
Eben︰
係新加波人！
佛爺︰
佢新加坡人，稱自小就狂食辣。
發佈留言