2013年4月6日星期六

泉肌透明質酸保濕

香港天氣勁潮濕,但面部皮膚又不見有受惠,且越來越乾。上網瀏覽別人面部保濕方法,發現這個不錯,加上是我用開的泉肌膠原卸妝水牌子,有信心,便依樣畫葫蘆照跟。

藍色枝裝係 Haruhada 即泉肌的透明質酸化妝水,500 ml,有六種植物草本成分及透明質酸配方,強力保濕潤膚。右邊袋裝係高絲十五片壓縮面膜紙,還跟有一小盒子。每次將一片壓縮面膜紙放入小盒子內,然後將化妝水依小盒子容量注入,待面膜紙充分吸水後,用來敷面,據說超保濕,可每天潔面後敷,五分鐘即可。

在莎莎買,化妝水 $108,面膜紙 $35,兩件加起 $143,我再有會員九五折,即共 $135.9,以每天使用分量粗略估計,枝化妝水 500 ml 應該可用兩個月罷,紙面膜 $2.2 一片,加起來每天敷一片也是 $4 左右,非常符合本人平價護膚的經濟原則,嘻嘻。


  

10 則留言:

Ebenezer 說...

咁咪即係mask屎水?

DeepC 說...

犀利, 我這方面真係無coffee咁好心思.

Coffee 說...

Eben︰

想鬧你!哈!

Coffee 說...

DeepC︰

護膚定係錢?前者歲月不饒人,後者,以較平價錢做出同樣效果的事情,我樂此不疲:)

DeepC 說...

Both la :)

10 說...

阿啡
我會一個禮拜用兩次軟膜粉呀
都很好用呀!!

CC 說...

係喎, 我都唔明, 咁濕, 塊臉都係咁乾!!! 之前也看過天天濕敷對保濕好, 我勤力敷左一排又停左, 人懶! 又, 你也可以棉花撕開敷, 我覺得比用面膜紙好,可能仲平D ^^

Coffee 說...

DeepC︰

我兩樣都答了:)

Coffee 說...

靚靚︰

好,我又會試敷下軟膜粉:)

Coffee 說...

CC︰

可以再平啲效果同樣好,我很樂意做:)

同埋,我又係度諗,點解一定要借助面膜紙或棉花等來敷,直接將保濕水濕笠笠覆蓋塊面唔得咩?

Related Posts Plugin for WordPress, Blogger...