那天,負責我們室的茶水姐姐放假,為方便飲水,我由另一處拿了一壺水來,放在我們外室的鐡櫃上,還告訴同室的他在此斟水便可。
大約二小時後,我往斟水。拿起水壺,嚇見水壺底滴滴流下一、二條水線。糟了!我第一時間想到茶壺漏水,再望下鐡枱面,很大一灘水!我急忙返回自己位,取來一條備用的抹布,抹乾那灘水。抹乾後,我望下水壺底,又好似冇漏水喎!心想,我取來的這壺水又不是冰水,不該會如此遇熱滲水出壺外架!算啦!都係找塊布墊在水壺底,以防再漏水,並將水壺搬到木枱上,因為鐡枱面已有少少生金秀,遇水更衰多二錢重。
安置好水壺,我告訴同室男,斟水時留意水壺有冇漏水,不過唔使擔心,我已加了塊布在水壺底。
我未完全講完上面那些說話,同室男已經,啊!係我斟潟嘅,頭先唔小心斟潟嘅!同室男完全唔當一回事咁講。
一聽佢咁講忟到我吖!你倒潟水點解唔抹番呀?仲要倒潟一大灘!特別係嗰鐡櫃已經生金秀!
係!係!係我嘅錯!對唔住!
又係哩句!我火都嚟埋!一腔火氣衝出︰
你.可.唔.可.以.唔.好.做.咁.多.要.講.對.唔.住.的.事.呀!