2012年4月4日星期三

迷你版直髮器

如果你沒用過這東西,乍一看去,會認為是甚麼呢?這是朋友今天即場影下,用 WhatsApp 傳過嚟給我看,問我揀邊款,然後她幫我買。



有答案了嗎?登登登櫈~ 是迷你版直髮器。

向來每半年做一次負離子直髮的我,有感於頭皮、頭髮越來越經不起直髮藥水的折騰,例如剛做完的首一、二個月頭皮會莫名痕癢,頭髮脫落有點異常,所以打算以後不再做負離子直髮,或者因應頭髮的情況隔長些日子才做,以前每半年一次,日後最少相隔一年半才做。但本人髮質較乾,天生有點捲曲,如不梳起會很鬆散,很難看,而圖中直髮器便幫上大忙了。直髮器插上電旋即發熱,用加熱了的直髮器夾實頭髮略略拉幾下,頭髮瞬間順直,並幾乎可維持一整天,直至晚上洗頭後才回復頭髮原本的樣子,非常方便實用,是喜愛直髮人士的恩物。

坊間一直主要賣沙宣直髮器,由二百多元至五百多元不等, Size 亦比較大,所以只可放在家中,而圖中所見的是迷你小巧型的,比小釘書機長三分二左右,可放在包包帶上班,以備不時之需,例如頭髮瀏海較易捲起,插上電拉二下又直番,又或者趕出門來不及在家拉直,亦可回到辦公室時三幾下手勢弄妥。至於這迷你版的售價,圖中有二款直髮器,一款是曲髮器,由三十八至五十九元不等。

是否傷髮?傷,當然傷,我認為起碼比風筒吹髮更傷,但就一定冇電負離子直髮咁大傷害,因為電負離子直髮要落藥水,不單純傷頭髮,還傷頭皮,而這直髮器只是對頭髮而言,未傷及頭皮層面,所以在這比較之下,直髮器相對可靠了。除非幸運兒天生一頭柔順美髮,甚麼都不用弄,那當然就最健康了。


14 則留言:

卡臣 說...

仲以為係衣夾

攞你命三千 說...

請教一下,咁大個夾要夾幾耐先夾得直晒成個頭??

Coffee 說...

卡臣︰

絕對似!

Coffee 說...

三千︰

這款迷你版主力夾前面瀏海,因為瀏海短易捲起,後面長髮部分,夾下表面嗰浸已 ok 喇,不是真要夾晒全頭。

largeheadboy 說...

我以為係夾住啲食物袋嗰啲保鮮夾添~

Coffee 說...

大頭仔︰

哈!幾乎一樣!

尹思騰Instant 說...

已加~我最近貪得意電曲個頭髮。曲仲好睇過直啦!

Coffee 說...

思騰︰

歡迎!你張相係你曲髮 Look 吧!

S 說...

我都有一個 full size 的,用得多一樣傷頭髮...

另,很喜歡你貼 Coldplay 那首 Scientist,正在聽!

Ebenezer 說...

乜唔係釘書機咩?

Coffee 說...

SKII︰

我有個韓國牌子也是 full size 的,放在家中用,很順滑好用,價錢還沒有沙宣的貴哩。通常我夾二、三下瀏海便搞掂,就係唔想傷髮。

Coffee 說...

Eben︰

朋友傳相過嚟時,我第一眼都覺得似釘書機。

Armadillo 說...

哈哈,如果淨係睇相,我就會估係刑具,用嚟夾手指嘅!

Coffee 說...

Arm︰

鋤大弟輸咗嘅就罰夾手指,嘩,我諗冇人敢玩!

Related Posts Plugin for WordPress, Blogger...