一物治一物之鹹柑桔

可能在內地時吃了胡椒豬肚雞煲，加上熱騰騰嘅煲仔飯焦 ( 大愛 )，還有無辣不歡的我食辣時去到盡，當時已覺得喉嚨唔舒服，回來那天睡到半夜醒來，發覺喉嚨吞口水都痛，心想死得！每次喉嚨火燒咁痛，一定發燒發病。本想吞服家中成藥，突然記起陳年鹹柑桔下火，但印象中好似食完了，只剩一盛著些鹽水的樽。唔理啦，鹽水都沖啲嚟飲。即刻起身開雪櫃搵，係一堆玻璃樽中摷了那樽鹹柑桔出嚟，搖一搖看，幸好，還有二粒。第一粒就咁拮爛用熱水沖嚟飲，嘩，唔係講笑，馬上舒緩不少，吞口水喉嚨唔痛了；第二粒起床後再整爛用熱水開，待水轉溫後，我加了些蜜糖一起飲，該是很有些效吧，總之第二日返工喉嚨已幾乎全不痛了。

我打電話俾 P ，想叫佢幫我搵柑桔嚟浸，P 話要過年後才有，不如她在家拿一樽給我頂住先，瑜知道後，亦話要拿一樽給我，還說她那樽有近十年了，一定比 P 那樽浸得時間耐。昨晚一人拎了一樽嚟俾我，其中瑜那大半樽，據她估算，有近十年了，而 P 那樽也有四、五年罷。在太興用膳後，我說辛苦二人專登拎樽鹹柑桔嚟俾我，哩餐我嘅。點知瑜趁我不留意，一手將我手上張單搶了去。

我上世一定做過點好事吧，否則今世如何得二位待我如此好的朋友！