2012年4月17日星期二

星期一日誌 (1)

昨天星期一補放之前某星期六加班的假。

L 來電說有張四百多元的支票要交給我,一問,原來是 06 年我跟 L 買了魚油丸,及其他一系列早已忘記名堂的健康產品,只記得開始服用時的確有些很明顯的效用,後來不覺得有甚麼特別,便沒有再買了,前後共買了四千多元,想不到六年後竟然還有現金回贈!和 L 在美心飲嘢聊天,坐了約一小時後離去。之後我去銀行入票,同埋交那張六千元的申請表格。

無所事事,致電 MB 做二 節人手推淋巴,第一次指定某 Body 師 E ,因為她推淋巴的手勢比別人到位,又因為星期一是平日,Booking 順利。但我很快便後悔 指定了 E ,因為一開始她便向我狂銷刮牛骨,即用牛骨代替人手嚟推淋巴。這個我早就被推銷過無數次了,不過以往啲 Body 師略為講講,見我不為所動,亦不會再繼續推銷,看落就像是她們的例行銷售任務,相信是公司對她們的要求。而 E 可能以為我指定了她,她便有了某種身份吧,硬銷的緊要!她說刮牛骨是六百元一次的,而家有優惠,三百元一次,且做足四十五分鐘,以往只是做半粒鐘的。

我心想,六百元做一次刮牛骨,搵鬼做咩!不要說六百,就算三百我都不會試,要知道,三百元,我可做人手推淋巴三節,即三個四十五分鐘架喇!而且為何用牛骨就推得較好呀?我只知道用牛骨當然比用人手好借力,但問題最先受力的身體皮膚一定受不了牛骨的摩擦,皮膚受不了,自然不能用牛骨落力太大,咁樣又如何像她所說用牛骨推淋巴很到位呢?用人手就不同了,即使再大力,皮膚是不會痛的,只是淋巴越阻塞的部位便越痛,可因應整體痛與不痛來要求 Body 師調整人手的力度。

那還有甚麼好呢?你不會告訴我說牛骨有甚麼特別功效可通過皮膚滲透入身體吧!

E 將刮牛骨講得好到不得了,只可惜我心中早已持懷疑的態度。不過如果不是三百元一次,例如二百元一次,或者我都會試下嘅。



6 則留言:

DeepC 說...

好貴呀~~~
我諗我會以行5小時山跟代替給人用牛骨刮45分鐘, 之後用$300來吃! 嘻嘻

阿貓 說...

咪玩呀!用錢買難受!

Hana 說...

咁平嘅?一百蚊45分鐘body.

Coffee 說...

DeepC︰

行山我怕晒黑,食多又怕肥:p

係好貴!我懷疑有冇人會做。

Coffee 說...

風月︰

我唔會試架,要試一早試咗啦!

Coffee 說...

Hana︰

係呀!一百元四十五分鐘 body 或人手推淋巴 或腳底,除咗腳底我試做過三次均不滿意,從此只做body 或推淋巴,如果頂得住佢哋服務時有意冇意嘅推銷,真係很不錯!我面色紅潤,極少極少病,該是推淋巴幫助了排毒。

Related Posts Plugin for WordPress, Blogger...