洗冷水澡

意外洗了個冷水澡，好多好多年未試過了。

擰開花灑，等嚟等去水溫都沒有絲毫改變，關了再開一次，如是者，不過直到嗰刻我都覺得自己剛才係有做開煤氣掣哩個動作架。其實係可以即時去開番的，但不知怎的突然就想試下沖一次冷水涼。怕冷水淋身，加上太耐沒洗過冷水澡，所以我先淋腳，冷水刺激得滯，不期然地邊用手摩擦身體，然後覺得冷水淋到時已沒有那種激凍的感覺，我快快手用冷水淋埋上身，哈，又得喎，忍受得到第一下淋落冷水的恐怖，再之後已沒甚麼了。

沖完後感覺好正。