做人情。有內涵的平凡

J和肥力午飯後過嚟問我，嚟緊某同事結婚請飲做幾多人情，我話跟大隊，你哋話幾多咪幾多囉。哈，大家都話跟大隊，但條隊喺邊哩，其實條隊根本連雛型都未見。平日不太熟的同事請飲，地店在酒店，所以，嘿嘿，明架啦！

肥力想我做間諜去人哋部門刺探軍情，睇下人哋做幾多人情。嘩，憑甚麼，我！難道近日我看多了武俠小說，染上了成身江湖味而不自知，但江湖味不同於江湖地位喎！

#  #  #  #  #  #

瞓醒起身，覺得腳重重，又浸腳，還一邊敷面膜，仲有一邊玩麻雀遊戲，覺得自己好識利用時間。半個鐘後，浸完腳，敷好面，飲杯淡綠茶。我對生活要求不多，可以很簡單很簡單，但一定要自在，自在又不頹廢，即係我不可以將人生完全定義在吃喝玩樂為終極目標，那樣的話我會很不安，會覺得人生缺乏了意義，我會不快樂。所以我可能是個怪人，即使很平凡的事，我都會看到其有意義的地方，如此這般我便會有活得好的感覺，才能自在，才會快樂。