今晚下雨，不方便外出運動，又不愛看電視，索性貼多篇文。
R之前賣咗自己部N8，收番二千多元，同今年頭出N8時所補的錢相差無幾。手持二千多元，再加幾百元利是錢，R另出了部行Android的手機。新機開始使用的第二日，下載軟件時手機出現解決不了的技術性問題，依七日換新機原則，換了部新的回來。
誰知呢！他少爺第二日就將新換回來的機弄出狀況(不全關他的事)，芒冇事，但芒側邊的金屬邊有一處深陷了入去，及機身回彈力度明顯強咗。擔心部機有咩事，咪死死地氣陪佢去維修睇下保養有咩搞作咯。職員收機時，稱師傅可更新軟件檢查回彈等等，但如果要換金屬邊，則要連芒一起換，換邊、芒盛惠九百元！咁當然唔換啦，雖然R對部新機的邊有一處陷入位很抓狂，但我說有些教訓是不應用錢去令自己遺忘的。
R要去學琴，由我等幾小時幫佢取機。另一職員交機俾我時說︰部機跌過，師傅更新咗軟件，回彈亦檢查過，幫你換咗LCD芒(連金屬邊)，你而家Check下部機。
我有好一刻呆呆的，我不明白成件事係點嘅，我冇要求換芒，咩事呢？免費喎，講真，到呢一刻我都未弄清！R見到部「新」機時，當然開心到暈啦！
8 則留言:
R說:世上只有媽媽好!
部機係邊間買?衛X?
錯晒喇！
R︰你係世上最煩嘅人！
你真想知的話我可mail話你知。
咁好免費換芒？
係啊！所以我心至今都未踏實，諗唔明咯:)
那個品牌? 居然承認是自己品種有問題!
部機冇問題，係R被同學仔嚇話背上有隻蜘蛛，佢最驚蜘蛛，所以即時成個人彈起想fing走隻不存在的蜘蛛，令放在褲袋的手機跌出，以致跌陷咗芒側邊的金屬邊，芒冇事是好彩咋！
至於品牌，哎呀，我唔敢係度講，因為佢哋自動幫更換咗芒，但我有啲似走人數一樣。
真想知，我可mail俾你知:)
我記得先幾年仲未係有咁多人用apple時，如果壞機，好有可能佢地會即刻俾個部全新嘅算數（連修理檢查都費事)，但我想，現在應冇咁好喇掛。
BTW，下次妳不如叫佢唔好換芒，而係換部新機俾妳，可能都有可能wor^^
未過保養，整唔到或者費事整，很多品牌都會俾部新機，iphone都係，我之前幫深圳朋友訂購的就是這樣，沒有人為損壞過，索性俾過部新iphone佢。
但R部機明顯跌過，所以我點敢要求換新機，無啦啦免費換芒都是敢未想過的:P
發佈留言