2011年5月18日星期三

不雅

(該篇貼文涉及多處不雅字眼,請家長陪同觀看)

慢跑時久不久都會遇到一些不雅人士,就係在跑道上毫不掩飾,大大聲放屁的人,仲要通常個個都若無其事呢下先抵死咯,附近的人就被弄得不知幾尷尬。好似有一次在公園,我正彎腰雙掌心貼地,然後不斷重複屈膝再撐直雙腿這動作的時候,有個男人遲唔放早唔放,偏要走到我旁邊時才放,超級乞人憎咯!不要以為那是一種偶然啊,我當佢係特登架!我即刻伸直身行開,並恨恨地反那臭男人白眼,一臉鄙視他,附近還有一個亦是在拉筋的女士似乎接受性高啲,反而望住我忍不住笑了,嗰個臭男人就完全當冇事發生,頂!

當然這當眾放屁的不雅行為並不是男人的專利,有一次在地鐡車廂,對面座位上有一位女士一樣係大聲放屁,仲要翹起右邊PATPAT喎,附近或對面乘客個個都聽見,不少在竊笑,哈!佢右邊個乘客真係好有修養,面不改容,且依然坐得紋風不動,當冇事發生,佩服!佩服!俾著我,一定企起身行開。

講開又講,反正呢篇都係不雅命名,如果二個新拍拖的情侶,正在牀上運動時,即有人不經意放個臭屁,特別如果係由個香香的靚女生放的,(唔好意思,本人狂笑中),唔知會點呢?個男生唔知會唔會從此留下陰影,亦或當情趣呢!哈哈...

12 則留言:

嚴明 說...

當眾放屁,不能接受啦,是不文明行爲。就算是自己人,也不能這樣做。Well, 無意放了,也得say sorry, 這是基本禮貌。我小時候看老夫子;上樓梯時,上一級的人放屁,老夫子接個正着。從那時候開始,我上樓梯時就有了陰影,如果上級有人,就盡量閉氣:P

l.minor 說...

响屁還可以,知道是什麼人

不响又臭的屁才是最毒的,又臭,又唔知道出處

韻味熊貓 說...

物必先腐而後生。男女床上運動,女的放屁,大笑一番,臭氣過後,應該對運動更為投入。男的是應留下倩影,此生難忘!嘻嘻!

Coffee 說...

嚴明︰
而家嘅人相對較文明,所以在封閉如地鐡車廂都少受異味滋擾了。

我都喜歡看老夫子。

Coffee 說...

minor︰
腸胃不好的人,體內積咗毒素。

Coffee 說...

佛爺︰
下!留情影?哦,你可能較清楚。

Ebenezer 說...

嚮屁其實只會令人心靈受損,其實容觀上嘅殺傷力唔大;反而勁臭嘅屁在暗地裡發放,又唔知邊個做,個兇手又可以心裡暗笑,呢樣先攞人命!

Coffee 說...

這本是很正常的生理現象,但要留意禮貌嘛,太肆無忌憚是為不講文明,不尊重。

L L 說...

男女床上運動,女的放屁?

噢噢,試過咯,幸好是响的.....

先旨聲明,N 年前咯!

Coffee 說...

(笑ing)

睇來你比佛爺更清楚箇中感受:p

the8 說...

我有朋友試過同男友濕吻時男的突然吐出一口胃氣,友人受晒,個人覺得仲慘過有人放屁。

Coffee 說...

嘩!好慘!呢樣真係有可能成為你友人日後和男友接吻的陰影!

Related Posts Plugin for WordPress, Blogger...