天冷下來了，皮膚開始十年來樂此不疲的痕癢攻勢，用上我的甘油獨門秘方，效果很好，但總有失守的時候，例如天光時背脊、雙腿在被褥裏暖到發熱時，自不然又痕癢起來，逼住提前瞓醒，明明我很好瞓架嘛！這都算不上甚麼，放工時搭的地鐡最熱，熱得叫人想罵娘！身上厚厚冬衣，脫下來嘛，加埋手袋或仲有環保袋，就會成手都係東西，所以我都觀察到大部份人都似我一樣，忍掛！本來熱不是問題，就算大熱天我都是最多怕曬，不會怕熱，但冬天一焗熱就死得！身體發熱皮膚就痕，在地鐡車廂皮膚痕癢，仲要係主攻背脊bra帶對上的位置，真係誰人娘親的！熱得我滿臉通紅，又不能盡情搲下而後快。
隔離左右如出一徹的冬衣大灰熊，最好大家都坐著別動，站著別動，你郁身郁勢我實鄙視你！見到我不夠友善的目光，梗係啦！冬天香港地鐡又熱又焗，透唔到氣！
15 則留言:
帶定支不求人出街會唔會有幫助呢?
日本地鐵的暖氣仲熱呀!我怕怕!
Eben︰
呢條問題的引伸性太廣泛，pass！哈哈！
卡臣︰
香港人習慣冷氣，唔慣暖氣:p
我想揾件差事，在地鐵專幫靚女搲痕 ^^
妳是女的還好,男的一動,就給人當色狼
校長︰
嘩！幾時都係你有創意，哈哈~
minor︰
>>男的一動,就給人當色狼
咁嚴重！你有類似經驗呀(講笑)！
最衰唔著定多啲的話，出到街又凍！我比你好少少，大部份時間搭巴士，凍多過熱，唔會好似搭地鐵咁煩。
SKII︰
唔係講笑，出地鐡時凍到飛起。有得揀時，我會選擇搭巴士。
皮膚癢係咪太乾燥？
Poca︰
係架喇！我都超憎附近的人打乞痴呀咳呀唔掩口，係唔掩口果啲！佢唔掩口我真係心生厭惡眼露鄙視！
>>擦背脊止痕！
哈哈！謝你好意，但我唔敢的，會死忍！:p
佛爺︰
好明顯係架！我沐浴後搽下嘢就冇事，但一焗熱就唔得，加上我怕凍，著衫又多！:p
真是感同身受！我自小有敏感皮膚，年輕時問題也不大，但現在年老了，免疫系統就開始造反了. 特別説說那bra 帶位置，皮膚很容易對塑料敏感，就像内褲頂部内藏的膠圈，也令我特別痕癢:P
嚴明︰
原來係咁！你將甘油加落潤膚露一起搽吖，好得架！
飲蜜糖有幫助舒緩症狀。
我眼疾早已沒事，近日換新電腦，要重新適應，尤其手寫板玩抗議，乘機偷懶不更新網誌。
風月︰
謝謝你！蜜糖水間中都有飲，大部份時間都冇乜嘢，係有時會特別痕癢！
你眼冇事就好！
發佈留言