剛過去的十一月才求婚成功，今天他一見面第一句就是︰我回復單身喇！我們以為耍下花槍，但原來是真的！天啊！那邊廂我們為他求婚出謀劃策，C小姐特別為他求婚而錄製一段讚美花絮．．．通通歷歷在目，怎麼說沒有就沒有了呢！
基於是他的私事，爭吵過程不便多說，總之我們本著和事佬的心，由我這老人家出馬開解他。了解咗事情的來龍去脈後，我先是附和他的憤怒，指責下女方，繼而又站在女方立場，鬧下他，因為，這類性格問題而起的兒女私情問題，根本就沒有對錯，如果遇對了的人，已經不是問題了，但是戀愛又怎會咁易遇對人的呢？俗語說︰不是冤家不聚頭嘛！
我白姐姐上身般一派權威口吻，以為可以打救一對情海小苦侶。突然他眼紅紅衝口而出一句︰我嬲得滯時星咗佢一巴！！！
OMG！我停咗係度，咩都唔識講！然後我想到，問︰你係唔係第一次打佢？他停了好幾秒都答唔上，我一口攔截︰得！我知喇，一定唔係第一次！他細細聲說︰以前試過大力推過佢！
．．．．．．
打女人！我真係幫你唔落啊！但看你們的造化罷！
27 則留言:
冇品耶！
江山易改，品性難易。動口不動手，相處之動。分開可能對大家好，不要再理會了，看他們造化。
對！你還未放大副畫，我在死等著。
打女人，絕不能接受。
恐怕變成家庭暴力
所以嫁唔落
打女人，會上癮，難過戒煙、戒酒和戒上網。嫁佐佢，等住做沙包都得囉！嘻嘻！
SKII︰
現階段的他只是EQ不夠！
Otto︰
我一聽到佢動手，即刻說不下去了，問心果句，如果個女仔係我朋友，咁點呢！
風月︰
先講畫，係嘅係嘅，今晚一定有:p
至於他的情感事，我們的確難再開解，但他已收到我們通通鄙視他動手:p 他要反省！
嚴明︰
係呀！最冇品就是打女人的男人！
卡臣︰
幾個人都一致反應︰俾著自己，冇得返轉頭！
佛爺︰
我們只是靜觀發展罷了。
BTW,咁如果女人打男人又點睇呢！
>咁如果女人打男人又點睇呢！
男人覺得個女人真係好愛佢囉！(我指輕輕星一巴/咬一啖/推一下...)
Hana︰
哈哈！咁再肉緊啲(星一巴/咬一啖/推一下...)
係咪更加好愛好愛呀！(即係同人唔同命，嘿嘿！有冇性別歧視呢，不過可能啲男人又受喎:p)
Otto︰
哈哈！我諗我仲會星醒埋我個朋友 :p
(雖然我不主張以武力解決問題，不過話時話，星落去唔知自己嘅手痛唔痛:p)
冇得講,死硬!
咖啡：
「咁如果女人打男人又點睇呢？」
西方有虐男庇護所的！讓那些受虐弱男暫住，免受其妻追打。嘻嘻！
Eben︰
如果佢能醒悟，都希望佢有轉機，但而家就真係幫唔落！
佛爺︰
我都有睇過類似報導，但其實男人好力過女人咁多，一手已擋開啦！
風月︰
我貼上沒有剪裁過size的畫，你可利用執相軟件將畫放大成你喜歡的size便可。
咖啡：
可能那些弱男雌雄同體的女生是一隻老虎，而那些悍妻雌雄同體的男生是一頭綿羊。嘻嘻！
太過份,原諒不得
認同佛爺所講,打開有條癮,有問題講巳足夠,何需動手?
佛爺︰
即係話呢種男人唔係冇力，而係心中懼怕。
Minor︰
係呀！一郁手，好多本來可解決的問題就生變數了！
Thank you very much!
佛爺 & Coffee，雌雄同體又來了，其實這個我想在我們生活的周圍，比比皆是！
SKII︰
我認為雌雄同體現象很普遍，就如世間萬物皆有陰陽面一樣。以我自己為例，表面睇絕對女人，性情都很女人，但都有男性化的方面嘅:P
從這幅畫我看到了簡單就是美. 原來妳創作了不少漂亮的畫作.
路︰
漂亮就真係稱不上，不過都謝謝你的讚賞:)
多月冇畫了，休息了一大輪，近日有點想再執筆習畫。
發佈留言