莫得罪阿婆

很喜歡現在工作的這區，除了不喜歡有個阿婆好惡，鬧我。

過年前的事，當日穿一對新鞋太大，想著去街頭檔口買對厚襪急救。十八元一對，我沒有概念貴或不貴，只是街頭檔口，習慣上講下價，問可唔可以便宜些呀(要知這是街頭購物的一種樂趣)。怎知阿婆一聽好嬲，說已經好平啦，之前二十五一對，而家十八一對仲講價(下刪好多好多句)。我又點知之前二十五或十五一對啫，只係隨口一問罷了。起初我依然有好面容聽阿婆高聲嘮叨，想到人年紀大自然脾氣也大，由她講她的我揀我的。但阿婆竟然說不停口，旁人有了側目望過來的，這時再難當無事。我收起笑容，輕聲說到，我只係問了你一句有冇得平，你話無得平咪得咯，點解講唔停，好似鬧人一樣，叫人點幫襯你哩！說完這些便再無心情買了，將已挑選好的幾對同時放下，然後轉身離開。阿婆見不買更火了，在我身後鬧︰十八蚊一對仲講價，之前賣二十五蚊架，無錢就唔好學人買嘢啦！窮……


嘩！！！九秒九逃離現場！