不雅~跑步跑到急

感覺自己住的這區愛運動的人挺多，每八點到十點左右可以見到很多人在跑步呀急步行呀或在一旁拉筋呀的，很熱鬧。所以晚上外出運動，一點也不孤單。在這樣的運動群情及氣氛下，本人的運動情緒自然也高漲了起來，由步行至急步再至奔跑，心中在想，每跑一步，便燃燒多一點脂肪，身體更健康。

很健康很健康，但跟住落嚟，我要講的事很不雅，就係跑下跑下，我開始有便意，粗俗啲就係開始覺得急大便。唔知係咪近日蕃薯粟米粗糧食得多，大便的次數及量都多了，就講今晚，明明放工回到家時去過一次大便的，誰想到此刻跑下跑下，又急了，而且來勢洶洶，越來越急，我忍住，忍到突然一陣肚痛要急剎住步，動彈不得，靜候陣痛過去。待那突然一下的攪肚痛過去後，背部及額頭都滲出了冷汗。之後肚沒有再痛，但就大便越來越急，我跑又唔係，唔跑又唔係，向屋企方向望去，起碼還有二、三十分鐘急步行的距離，天啊！

活了這麼多年，這是頭一次忍大便忍得咁辛苦，即係忍到漲紅了臉而背脊又同時出冷汗。入大堂時狼狽得來不及同保安打招呼，二十樓不到的層數一氣到達，但為何如此漫長，鎖匙插鐡閘時手分明震了兩下，入屋除了一隻鞋另一隻差點唔知點除，然後衝去廁所。

不雅雖是不雅，但這種大崩潰帶來的大暢快，實非筆墨能輕易形容 (因為總不能將不雅去到盡嘛)，所以我要記錄下來。