2010年創立，並迅即在港九新界開設大小分店，可謂遍地開花，梗有一間在左近。不過真正令阿信屋一夜走紅的，是其以遠低於市場價格出售可樂一事，等如一次免費的廣告植入，從此阿信屋以其價廉街知巷聞。
阿信屋賣零食，嗨，其志遠不僅在此，阿信屋不知不覺間已正名759 (其主公司的上市編號)，由零食到急凍海產到生活用品，再到越開越多的 759 Kawaiiland -女生恩物店，便可見一斑。今時今時，尤其女性銀包裹，除了身分證、八達通，最多的就怕是 759 阿信屋優惠卡了。
昨天第一次無心之下踏足 759 Kawaiiland ，店子主銷全身上下基礎護理及化妝扮靚靚用品，同樣走的是阿信屋的廉價路線，貨物很齊全。原本不打算買的，抵不住價錢太吸引，便買了一枝洗面、一枝化妝水及一枝資生堂的肌水，三件東西埋單折實一百七十幾，真心覺得很划算。曾聽到店內有兩人在嘀咕，啲指甲油咁平，唔知搽咗有冇事呢？哈，係呀，莎莎向來給人賣平嘢的感覺，Kawaiiland 更平！平到擔心平嘢冇好！此心情可以理解，我都有點心大心小，所以買的三樣東西是之前有用過的，此番用了冇事再慢慢擴展到買其他罷。
(網上圖片)
(網上圖片)
2 則留言:
他們做生意做得很有創意, 我都係佢客仔, 不過暫時只買吃的.
DeepC︰
係，食物方面做得幾好，款式品種常更新，且平！
護膚品店好多基礎篇的東東，暫時我買的資生堂洗面及另一小牌子的美白滋潤化妝水都唔錯。
發佈留言