學北方人泡腳

北方人好注重泡腳，即係用熱水浸腳，好處在除了可以消除雙腳疲累，還可以舒筋活血、強身健體，澡可以不日日洗，但腳就要日日泡，如是說。北方人是否真的人人日日泡腳就唔知喇，但相信一定係極重視的，看內地小說常見到有此說。例如正在看韓寒的《三重門》，都有提到雨翔入讀寄宿高中時，不慎將自己的腳盆失手跌落樓下，而雨翔還不算北方人哩，是上海人。

去山東旅行在寶樹堂買寶膚靈時，對方送了十包泡腳用的中草藥粉。近日M期完，雙腳尤見攰，剛才想下想下便決定取一包嚟浸下腳，然後發現家中沒有水桶，一個洗衫用的盆子又不夠大。突然記起有個拖地嘅桶(不要笑，乾淨的)，此桶一直沒用過，因為我不用拖把拖地，向來用抹布蹲下去抹。於是喺浴室櫃搵出那個桶，洗淨，開了熱水爐加入熱水，然後倒一包藥粉入去，邊繼續在電腦看韓寒的長篇《三重門》，邊開始浸腳。唔記得寶樹堂的醫師話要浸幾耐，我就浸了差不多半小時，即感覺水開始剩下餘溫時。

點解浸腳哩件老土的事都拎嚟講？因為浸完即刻覺得雙腳鬆了很多，好正！所以要分享。