星期六無事，即興打去MB預約按Body，剛巧有客人取消了Booking，於是我便攝了位。嘩，今日的Body師我早聞其大名，素來是客人指定的熱門人選，因我極少指定要哪位Body師，所以之前從未遇上。這位Body師果然不同於一般的，一下手我已覺痛，礙於面子不好叫出來，但好快已顧不了這許多，頻頻呼痛，她按到哪我「典」到哪，按到手腳時，我是痛到要縮手縮腳，不過被她捉實了，痛到越嗌越大聲，幸好每個房間都隔音的。
Body師說我太長時間沒來了，明顯身體周身積實，才會疼痛難當，待她按過了便不會痛，之後會整個人輕鬆了，果然如是，所以伏在那張牀上如受刑般捱了一個半小時，算是值得啦。
去了MB這些年，今日是第一次有Body師告訴我，按完Body後不要即刻洗頭沐浴，因為血液運行快，全身毛孔張開，尤其頭部不宜即刻沖水，建議最好四小時之後才洗頭沐浴，連蒸氣都不宜，要就乾蒸。我聽了覺得有道理，不洗頭沖涼，去乾蒸了十五分鐘，中途睡著了一會兒，醒來時覺得其實乾蒸睡著有點危險，因臉部不能如此受熱，我用大毛巾由頭蓋下遮住臉部，所以呼吸緊促得有點缺氧的感覺。
剛才洗澡時見雙臂上有幾處微瘀痕。
又，整整經過四天才攻下Candy的三百一十一關，有點心力交瘁！
10 則留言:
真是異於常人, 乾蒸的時間通常不會長, 溫度又高, 竟能睡着. 我覺得做按摩有慣性的, 就像按摩師所說, 有做開的忽然很長時間沒做, 肌肉會發硬, 除非經常有做舒展筋骨的運動. 人不能缺少運動, 自己運動會辛苦一點, 享受別人給你按摩其實是一種被動的運動.
按摩時按摩師常叫我放鬆身體, 我總不能放鬆, 尤其被按得痛時. 你很利害!!!! 乾蒸完不用洗澡??
妳在香港做按摩？同羅湖城d有咩唔同？
我玩過一次半次焗桑拿, 熱到唔知點咁, 坐了兩三分鐘受不了就離開了; 你可以坐十幾分鐘, 而且還睡得著, 犀利! (但好似有點危險, 不知醒就大件事. )
曾經入桑拿房，腦裏忽然幻想條友入去之後瞓咗，醒返後發現身體其中一忽焗熟咗，仲鬼咁香添！
ep︰
我係面唔受得熱，掩住面就OK，我都係第一次焗桑拿瞌著咗，可能近日太攰了。
CC︰
我都唔知點解咁多人客MARK呢位BODY師，佢話佢一啲都唔大力咯！
冇沖呀，我素來沒甚麼汗出，焗十五分鐘都只係出少少汗。
Eben︰
咁你要先話俾我知羅湖係點嘅才有得比較，嘻嘻。
DeepC︰
我第一個反應就係，嘩，好危險下！
有啲桑拿房的溫度調較得高，我都試過入去三分鐘就要即刻出來。MB的不是很高溫，我見其他人都是閒閒地焗十多分鐘的。
Eben︰
哈，我覆你時你又留緊言，MB的桑拿不是很高溫的。
發佈留言