2013年1月17日星期四

早睡不著

一心想今晚好好睡一覺,手腳麻利地將所有該做的事做好,連帶梳洗妥當,九點多少少便上牀瞓了。為了順利入睡,原本晚晚都沖杯熱茶飲的,今晚不飲了。

但世事往往就是這般難如人願,輾轉反側一粒鐘,就是睡不著。其間用了種新鮮滾熱辣的自我催眠法,就是玉菲上星期教的,將意念集中,先由頭頂開始,即將意念放在頭頂然後慢慢數十下,完成後向下到緊接著的另一部位又數十下,每個身體部位數十下,直到腳部。據玉菲說通常未數到腳部已能入睡。

最鍾意試新嘢架喇。數到雙眼時都仍集中意念,再到鼻、嘴更相安無事,但再往下數到胸部時,我就有黠困擾了,該集中意念在哪邊胸呢?左邊還是右邊?還是兩邊都覆蓋?就這樣思想一開了小差,便再集中不了意念。起初仍堅持,重頭再數過,但一數到胸部時我又撇不開這無聊困擾。咁攪法點入睡!

在牀轆了成粒鐘後,知道一時之間是沒法瞓得著了,死死哋氣爬起身。

打完呢篇後,我會看一會《白鹿原》,因為近日沉迷Candy Crush,看得很慢,才看到第十一章,而Candy Crush就向前邁了一大步,打緊六十五關了。


8 則留言:

卡臣 說...

天寒地凍,躲入被窩吧

DeepC 說...

我通常沒重要事要做, 晚上對著瑩幕好快眼瞓, this moment 都係;

你現在不是在打機嘛~?

Coffee 說...

卡臣︰

慣咗夜瞓,要改!

Coffee 說...

DeepC︰

係呀:P 見到人玩,仲要不斷叫你SEND命,有個朋友同我一樣打緊六十五,好似比賽咁,死未!

唔打喇,真係要瞓,明天才去你家串門子:)

Armadillo 說...

哈哈,好玄喎,咪同練氣功差唔多?!如果想瞓得好,聽講話酸棗仁幾有效架!

韻味熊貓 說...

我好易訓得著。嘻嘻!

Coffee 說...

Arm︰

我其實係好瞓的,只因夜瞓慣了,一時早瞓反而瞓唔到,可能太早了。

Coffee 說...

佛爺︰

我知,熊貓最鍾意瞓。

Related Posts Plugin for WordPress, Blogger...