執相

這是三十個印花加 $ 1 3 9，在萬寧換購回來的 Sinomax Hello Kitty 健康枕。星期日晚第一次用後，第二日即見肩膀有少少唔舒適，可能轉枕頭需要適應吧，昨晚還是用它，今天不舒適感已消失了。

好了，主要不是講換購，而是想講以下二張相我有執過架，是用 Note 影用 Note 編修，再用 Note 上載，一氣呵成，超方便。係咁嘅，因為佛爺唔抵得我懶執相，嫌棄我之前的相質落後，唔養眼 ( 嘿嘿，我估佛爺係咁諗咯 )，我咪反省下咯。哎，所以話人有反省精神才有進步，昨天放工乘地鐡時，畀我反省出原來可直接在 Note 執相喎，雖然簡單係簡單啲，但點都好過冇吖，係咪！各位睇相啦，得唔得呀？








題外話，昨天乖地鐡時，第二個站上嚟坐我右手邊嗰個女的，好唔得咯！一上嚟坐低猛拑部電話，隻左手臂就撐晒過嚟，越來越重，直情當自己皇后咁要我撐住佢，重到吖！我咪擰身大動作郁下自己右手臂咯，佢都發現自己差不多瞓咗係我右邊身，然後先至坐番直。跟住佢落車，我想望下佢嗰樣，但望唔到，佢低住頭，一大頭孿髮遮掩住，突然叮一聲，唔通係男人！頂！