2012年3月13日星期二

執相

這是三十個印花加 $ 1 3 9,在萬寧換購回來的 Sinomax Hello Kitty 健康枕。星期日晚第一次用後,第二日即見肩膀有少少唔舒適,可能轉枕頭需要適應吧,昨晚還是用它,今天不舒適感已消失了。

好了,主要不是講換購,而是想講以下二張相我有執過架,是用 Note 影用 Note 編修,再用 Note 上載,一氣呵成,超方便。係咁嘅,因為佛爺唔抵得我懶執相,嫌棄我之前的相質落後,唔養眼 ( 嘿嘿,我估佛爺係咁諗咯 ),我咪反省下咯。哎,所以話人有反省精神才有進步,昨天放工乘地鐡時,畀我反省出原來可直接在 Note 執相喎,雖然簡單係簡單啲,但點都好過冇吖,係咪!各位睇相啦,得唔得呀?








題外話,昨天乖地鐡時,第二個站上嚟坐我右手邊嗰個女的,好唔得咯!一上嚟坐低猛拑部電話,隻左手臂就撐晒過嚟,越來越重,直情當自己皇后咁要我撐住佢,重到吖!我咪擰身大動作郁下自己右手臂咯,佢都發現自己差不多瞓咗係我右邊身,然後先至坐番直。跟住佢落車,我想望下佢嗰樣,但望唔到,佢低住頭,一大頭孿髮遮掩住,突然叮一聲,唔通係男人!頂!

14 則留言:

卡臣 說...

張相執得唔錯喎!

咁妳被男人非禮咗?

DeepC 說...

這個世界真係多怪人...

Ebenezer 說...

算啦,昨晚我俾人成個人挨晒埋嚟仲瞓埋在我膊頭上,我都係唔介意人地。

Coffee 說...

卡臣︰

謝謝你!我會再發掘下部 NOTE 有咩功能。

至於算唔算非禮,都好難講,佢一起坐低就撐隻手臂過嚟,然後越來越過咁樣咯!

Coffee 說...

DeepC︰

我睇佢低頭,一頭卷髮遮掩,再諗返佢挨住我的重量,估佢係男人。

Coffee 說...

Eben︰

我唔同你嘛,如果唔係喜歡的人,畀個金城武都假。

韻味熊貓 說...

第二張相右邊反光部份,騙了相機的測光表,所以成張相偏暗。這種情況是很難執的。

Coffee 說...

佛爺︰

明白還有改善空間,知道了,知道就好,會留意。

壽頭一塊 (狗鵬) 說...

嗰個女 ...
唔通係男人!頂!...

你呢二晚咪瞓唔著咯? (copy from your reply)

Unknown 說...

note 除左執相,玩draw somthing 一流~~~

Coffee 說...

阿鵬︰

我知!哈哈!

我又冇瞓唔著,係嗰一刻覺得佢係男人時好氣結咯!

Coffee 說...

艾德︰

係呀,啲同事朋友都在玩,我又下載咗呢個軟件諗住玩,不過未投入。

五珍 說...

下次應該擺埋執前的相,等我哋睇下你執得幾咁好。Sinomax的枕頭我覺得太硬,後來我轉咗蕎麥枕,舒服好多。

Coffee 說...

五珍︰

執前執後對比,哈,我冇諗過。

>>Sinomax的枕頭我覺得太硬x2

所以我第一晚瞓到肩膀痛:p 而家冇事了,我仍用佢,想睇下點健康法。

Related Posts Plugin for WordPress, Blogger...