今天放工經過地鐡站恒生時，去問處理毫子的方法，嗱，平日唔覺唔覺積落一堆毫子的網友留意了，一女職員告訴說，每次可免手續費存不超過五百枚的毫子入戶口，超過五百枚就收$50手續費。嗨，點會超過架吖，多咗的話咪分幾次存入咯！職員還說自己預先分好類，即例如一毫歸一毫的一堆，如此帶去任何一間分行(不包括地鐡的)，分行有數毫子機，很快的。我聽了覺得甚好，不用再刻意去用那些毫子了。我這裡說的是恒生銀行，不過我想這類服務各大銀行都該是大同小異的吧！
話時話，昨天在百佳排長龍到我畀錢時，我感覺得到後面的人見我數大餅毫子，係用憎恨的目光睥行我後腦的。咩~啫~，點解要歧視我用毫子喎！
14 則留言:
原來是這樣.
咩~啫~
妳用的語氣詞夠傳神.
哈哈，你識心靈感應，勁呀！講真喎，排緊隊俾錢嘅時候，如果見到前面嗰個喺度慢慢數神沙，真係會覺得唔耐煩架！其實八達通咁方便，又可以儲積分，點解仲要用現金呢？
日日用來搭巴士，半年清哂
阿路︰
如果改用「咩~呀~」，效果便不一樣了:)
Arm︰
我梗係知啦！之前見前面嗰啲客碌卡，後面已經有不耐煩的聲音！
我最冇耐性就是排隊等付款時，又餐餐都排到條勁多嘢攪的隊！
卡臣︰
我有個朋友話有次搭巴士畀多了幾個毫子，個司機竟然有微言！
背脊都有心靈感應？勁喎！
所以話呢，邊個話有錢冇煩惱？！
佛爺︰
話時話，感應固有了方向！我才知哩！
Eben︰
有錢會煩毫子我都是才知啊！
我都搭巴士架..."多了幾個毫子，個司機竟然有微言"
?!
多左喎...-_-
火女︰
呀~!不是多咗銀碼，是既定車資裏多用了毫子，那個司機說︰你入咁多毫子，我好難睇清啱唔啱數喎！
我朋友說她用了一元多未到二元是一、二毫的。
到銀行換左佢....
香港人無耐性等~~~~
宅男︰
係呀！我係打算去銀行存了這堆毫子。
發佈留言