再話說實惠女職員入倉去取吸塵機吸管時，我發現陳列品下面擺放著眾吸塵機的實貨，於是我開始搜尋看有否我喜歡的那部日立，見到了，嘩！原來那部如此精巧的吸塵機，連吸管等一起包裝好時，整個箱子是好大好重的！絕不是我可以搬回家的！我原本打算看了吸管只要不騎哩難用，我便即時買走的。如何是好呢(唔知點解就是沒有想到送貨服務)？勞煩人哋入倉十幾分鐘，然後又不買，我的額頭即時貼上「運吉」二字。博大精深的大國智慧三十六計，我啥也沒學到，就學到走為上計，走為上計，嘿嘿！
我扮到若無其事地行出實惠，豎起耳仔用眼尾留意是否有人留意我，邊唸著︰睇我唔到，睇我唔到！出了實惠行遠了，我鬆了口氣，罵自己︰痴線架！
但這就是我這個女人！
不過我想買部吸塵機倒是真的，因為本不太近的樓盤工地及不知啥名堂的建築工地，順風向一吹，帶來很厚的塵，掃地抹塵到終於忍無可忍了！( 題外話，本來家中有部樂聲吸塵機，因為極少極少用，所以在二年多前送了給人，真想不到有用得著吸塵機的一天！) 於是去豐澤及大百貨電器部看過，沒有喜歡的，然後偶然在實惠見到了。
一星期後我才突然想起送貨服務，想起時忍不住在心裏失笑了！前幾日放工後，我再去看那部吸塵機。當我向旁邊的職員查詢時，她說去叫負責的同事來幫我。遠遠我就見到又是之前那女職員，哈！我心想每日咁多客，怎會記得！怎會認到！胖胖女職員再去取吸管讓我看(這次很快)，當我問起送貸服務時，女職員稱買滿八百元可享公司免費送貸，而且公司在做推廣，如果一次買二件小家電，可再享88折。那部吸塵機原價六百多，折了賣五百多，如真買二件小電器，還可再88折，也不錯！我想到家中沒有獨立焗爐，只是微波爐有焗爐功能那種，烘焙多士、PIZZA，焗下蕃薯等還可以，要焗排骨、魚或烤雞或焗一盤海鮮芝士意粉等就不可以的，火候不足夠。對！我再挑選了個焗爐，樂信牌子，1500W的，二件家電合共也只是八百一十五元，比起女士的護膚品或甚麼的，真是超值！
付款時我和女職員講我之前來看過部吸塵機的，女職員說﹐「嗰日我拎咗吸管出來時，你走咗了！」我惟有支吾道，「你記得？係呀！」我望著胖胖女職員在處理收款事宜，想到她很厚道！二件小家電要下星期三才送貸，否則可讓大家一睹它們的靚仔樣。
14 則留言:
妳最後都番頭買啦，妳咁正常，邊有運吉？
Eben︰
見嗰啲試人一堆衫又唔買的，我真係做唔出。
其實sales都預咗有啲客唔買，否則一早發咗達。
哈哈，我諗個售貨員一定有詛咒你！不過唔緊要啦，橫掂你又聽唔到！另外，1600W又嬌小玲瓏，真係幾吸引喎！我屋企嗰部牛龜咁大，都係得850W咋！
卡臣︰
是不可能一睇即買，所以我如果未打算買的，一般不會麻煩SALES。
Arm︰
佢睇我唔到，我聽佢唔到，嘿嘿！
我記得我之前嗰部都係850W的，而家新買哩部日立好的式，擺放時唔使咁多位。
不用太介意,他們一天到晚一定遇上不少真正「運吉」的客人
售貨員每天都遇上不同類型的人種，他們已習以為常了！
我覺得問清楚係正常嘅，啲 sales 請得喺度就係做呢啲嘢，如果唔係，乜都變成“自助”，好似超級市場咁就得啦，請佢哋來做乜呢？所以你唔洗介懷喎！
宅男︰
我係有啲介懷:P
佛爺︰
所以不喜歡一入間舖，即有人埋嚟。
SK︰
講真，我真係喜歡超市自助式的，怕麻煩人。
其實我同你一樣，最怕啲人埋來問長問短，但有 sales 的店舖，我又 take for granted 我有野問嘅話，解答客人的疑問係佢哋的責任。
SK︰
講深入啲，我喜歡遇上講嘢有POINT，懂行銷的SALES。例如那些向我推銷了第一樣，我冇反應又或不喜歡的，立即又向我推銷第二樣、第三樣、第四樣...以為總會中一樣，殊不知這是最差勁的推銷手法，SALES已亮了張底牌給我，他/她並不了解自己的產品，亦未能在客人走入間舖時，已對來者心中有數。
發佈留言