不明不白

電腦一連二日都入唔到Blogger，上一篇是用手機貼的文和照片。今日終於可以入到了，要將 IE 轉成Google Chrome  才可，睇來我的電腦是要全面 Google 化了。也幸好今日可入到了，因為原本我已打定輸數，加上之前想過改「無糖咖啡」博名，所以乾脆另開了個Blog，仍是咖啡，但不是無糖了，看看日後有冇機會用罷。

#  #  #  #  #  #

這段日子掉多了頭髮，那天問髮型師，佢話一日掉一百條頭髮都很正常，我聽了心大心細，覺得佢似安慰我多啲，雖然我並不知我一日大約掉幾條，不過總沒有一百條吧。然後我又諗，掉落的頭髮究竟是斷落的，還是由根部掉落呢？

#  #  #  #  #  #

細容昨天叫我哋記得今朝早唔好買早餐，他訂了西餅請大家食，會在早餐時候送了。當時我已很想提細容，落訂時記得講多要卷蛋，唔知點解冇講到，可能心諗細容曉架喇！但今早送來時，十打有多的西餅，一件卷蛋都冇，全是那些有層cream再有些朱古力碎或椰絲的花餅。清潔大阿姐話，梗係啦！你落訂時唔指明，人哋咪執啲唔好賣嘅俾你咯！我心又在嘀咕，既然唔好賣(的確大部分人唔喜歡食)，點解仍不斷出？話晒咁大間餅店，改善下啦！