深圳一日行

今天去了深圳東門，交與店舖一幅牡丹工筆畫待裱，連框架裱起收一百六十元。幅牡丹比而家屋企廳嗰幅蘭花水墨畫更大，如果在香港連框裱起，收費會貴很多。

一場去到東門，當然唔放過車窗簾。上年我就有意換窗簾了，但在香港多家問過，基本都要三、四千元以上，所以擱置。今日在東門車全屋窗簾，九百元搞掂。

然後，順便還在東門買了三個質量不錯的耳筒。逼入電器舖，看中三款後我開始還價，起初店主不欲減咁多，但咁啱佢有個大熟客來入大批貨，店主很快無心與我糾結，讓步，七十元賣了我挑選的三個耳筒給我。

是日午晚餐都在深圳食，所去的都是深圳普通收費的酒樓。首先午餐在東門的迎賓館酒樓，這間以前曾食過多次，叫做過得去啦！但今日哩餐啲餸煮得真是差極了，可以講我未在大陸食過咁差的小菜！不用問都知轉了廚師。晚飯去了福田區的濠江春酒樓，哩間就似番啲樣喇，所叫的幾款小菜均很有水準。小菜就唔講了，而不得不提的是酒樓的榴槤酥。本來我叫蘿白酥，冇，於是建議我們試下榴槤酥，真係不試由自可，一試停不了口，香酥千層酥皮包裹著熱騰騰的小小榴槤肉，不太甜，我們即席食完六件後，我另叫了一打十二件打包走，太好味喇！

順便一提，八月十二日世界大學生運動會在深圳開幕，今日係深圳市政府舉行第一次預演，通往場館的主要街道每隔一段就見有警察站崗當值，其中我們路經的通去深圳灣的大道，可見行駛中的車輛是屈指可數，而平日這些路段是超多車的，因為附近是幾公里長的海濱長廊公園，是深圳人週末的悠閒潮聚點。因為今日係預演日，據說深圳政府建議深圳市民留在家中，看來深圳人經過這麼多年後，質素大大提高，由其紀律性可見一斑。

這是新建成的開幕式主場館，好似名為「春蠶」 吧！後身還有頗長一段，沒法照全相。