放假的日子

五月初媽媽回港時，我提出暑假一齊去旅行，但媽媽以太熱怕熱為由，任我好說歹說，不願去，於是外遊計劃擱置。這二年來，不知為何我完全對外遊失去興趣。

幫R搵的補習老師今日上門試堂，這位準港大生給我的第一印象是有禮貌，聰明，反應快，觀言察色，溝通能力強。試完堂我問R，補習哥哥是否能清楚講解那些不明白的地方，R稱能。於是，決定請佢一星期上門一次替R補下數。

安妥當好家中事務，我想去髮型屋整下自己把長髮，散亂得連自己都不忍睹了，總之是難看得很。瑜叫我去試下幫佢剪開髮的髮型師，但我計一計時間，我不是單剪髮，電髮或直髮都起碼好幾小時，今日時間太趕，都係改日罷。

無無聊聊，索性打去MB約做二PART通淋巴。提早二十分鐘去到，先入蒸氣房坐了十幾分鐘，熱到受不了時，滿身滴水咁走出來。MB做人手通淋巴的叫減肥師，今日去的這間MB的減肥師第一次幫我，唔知係咪平日人客少，生意唔多的關係，哩位減肥師一上手幫我推雙腿淋巴，即話，嘩，你嘅皮膚好白又滑！我支吾二聲，稱可能剛去完蒸氣房吧。但其實我心想，唔係呀！看來生意好麻麻喎，我嘅皮膚有幾白啫！

由MB出來時將近六點，我記起要買瑜珈墊，於是去買了然後回家。