睇出我在想甚麼嗎？

我近年棄「華歌」用「BODY Bra」，是因為「BODY Bra」良好的承托力。

「BODY Bra」不便宜，但佢久不久推出折扣優惠，所以我都是在公司推出半價優惠時買下的，一年之內有效使用。前些天我去選新Bra，原價$689一個的減價到$589，而我之前半價買下了優惠卡，所以折實$300不到一個，算是幾實惠的價錢，要知道，女人的Bra一般都貴。要提一提的是，我選的這款是承托力最好的，亦是該公司最貴的。

不過今日我要講的是另一樣嘢。話說前些天我去選Bra，我選的三種款式，斷碼了，sales girl上網睇其他分舖，都沒有貨了，據sales girl說，很好賣，所以斷晒貨。我問幾時會入貨，sales girl說不會入的了，我詫異於既然熱賣為何不入貨？想想，都是揀了一粉藍一粉紅次喜歡的。之後我想順便選購內褲，我叫sales girl介紹最好賣的款式，我一看是簡單絲質款，OK，是我杯茶，點知sales girl開櫃一看，除咗Display的，又冇貨了，亦是不會再入貨。

嗱嗱嗱！我講咗咁耐，大家明唔明我想講乜嘢？