講真，一代傳一代，所以我諗聽過這說法的人一定不少，但跟住做過的一定冇乜幾個。我自己就不信了，但就算不信亦不代表冇好奇心的，加上本人一貫對世界充滿好奇。我曾很想去證實這是個天大的謊言，於是練成了巧手削果皮，幾乎甚麼果到我手(即使馬蹄)，都可將果皮一批批到尾。最難忘的一次，是幾個女同學約定在宿舍一起壯膽試下，但終於敵不過內心的恐懼，個個都臨陣退縮，嘿嘿！
不過，這凌晨十二點削果皮不敢試，有一樣倒是膽大包天地試過，嗰樣就係幾個女同學一起問仙喇。之不過當時負責扶住個甚麼東東兼傳話的同學，在事隔多年後告訴大家，她當時係扮有嘢扮傳話的，因為聽到別的同學堆有料到，不想我們的圈子被人睇小問唔到，所以作大咯！哈哈！
而今，這批蘋果皮、批梨皮等等的故事，成為了青澀年歲樂章裏的幾個音符，偶爾還會跳動下。
一個桃子皮
8 則留言:
我試過但無見到結果
卡臣︰
嘩！好大膽！你是我知的第一個話試過的，好嘢呀，卡臣！
哈哈！妳說的，初中跟同學玩過，乜都無呀！還有，只想告訴妳，皮可吃的水果，精華都在皮呀！
風月︰
哈哈！又一個玩過的！睇來我真係錯失最好奇的時候。
至於果皮，近一年真係不食了，因為果皮同時多化學肥料，或者其他毒素。
如果不信，為何不敢試? 這些迷信玩意，年少時真的聼不少，但從沒玩過，就是完全不信，覺得很低能．同學們很多都有玩，很多總是繪聲繪影的，我心裏的反應只是: 他們眼花:)
嚴明︰
我是相信科學的，但對一啲講得似層層的東西又有極大的好奇心。
到而家，當知道的東西越多時，反而接受了世界上有些東西不是科學能解釋清楚的。
首先，生果要批皮就一定唔好搞我，實在太麻煩喇！而且，半夜三更照鏡見到另外一個人，真係唔嚇死先怪啦！至於銀仙碟仙之類，根本就唔應該玩。如果係冇嘅，只會浪費時間。如果有嘅仲大鑊，隨時會易請難送，跟足你一世！
Arm︰
如果真係見到，當然嚇得死人！
至於乜仙物仙，當時年少唔識驚，正所謂「當時只道是尋常」嘛！
發佈留言