今日同事飲茶，一圍枱，有九個人用 iphone 4！我們的 iphone始祖阿ming對我來個大控訴，說由佢用第一部 iphone就開始sell 我，到而家 iphone 4都仍未能sell到我，令佢有挫敗感。我哈哈笑說，我等緊 iphone 5嘛！阿ming說︰你唔會買嘅，到時你又唔買架喇！
其實我對 iphone 真係沒有很想擁有的情意，不過如果到時有 iphone 5，我相信我一定會買一部的，係訂購齋機喎，因為我唔鍾意被捆綁24個月個種咯。好似今日咁，當全枱人都拎部 iphone 出來左篤右篤(真係唔明有咩咁好篤)，我感覺自己好似同呢個社會脫了節一樣，沒朋友呢家嘢，唔好玩。
15 則留言:
台費太貴，不想負擔，以前工作很靜態，向來只用幾十塊錢那種台，算人有我有。
如果不愛上網,不愛玩game,有冇iphone也一樣
iphone對於我來時,只是乘車時的消閒工具,妳說其他電話係咪做唔到呢?一定不會,不過iphone確實在有需要時係幫到手的
我有部iPod Touch，可以無線上網，已經足夠，無台費的負擔。
一枱十個人有九個用 iPhone，呢個比例好合理。
我仲係用緊2豬電話咋，真係有自卑添！
Pocari︰
我同時亦都被ipad2動了心，外型唔使講啦，而之前見朋友用ipad1時都好好用，所以我都係諗緊買唔買ipad2。
風月貓貓︰
我而家電話都是幾十元台費咋。
minor︰
我完全未親身體會過iphone的好處，聽就聽咗好多。我不喜歡玩game，上網就現今生活少不了的，如果我買iphone，係因為我想了解佢有幾好，點解咁多人著了道！
佛爺︰
咁iphone、ipad、ipod touch有咩分別，各自主要用途及優勢係咩呢？
Eben︰
講到蘋果，你同我同事阿ming一定非常啱嘴型，都係蘋果超級粉絲！
Arm︰
都咪話，我以前完全不為所動，而家真係都有啲脫節感覺，一於等出 iphone5 啦！
祝早日如願以償
卡臣︰
iphone5出唔出得成都未知呢:p
咖啡：
iPad是十吋，另一回事。iPhone分分鐘可以上網，是其優點。iPod要依賴WiFi才可上網，其他功能與iPhone無大分別。
佛爺︰
謝謝你！我知喇！
發佈留言