睇網誌可能會傳染想法嘅，我也好似SKII一樣，覺得自己部CANON550D及三支鏡太重了，有意想賣了它們，另覓一部方便日日放在手袋的，功能又有番咁上下的相機。
本來我在問過比我知很多懂很多的人之後，一心鎖定Leica Lux5。但在睇著實物時，又覺得少了些Leica 的感覺，且相機用繆紙封住，離真實感都是差了些，於是覺得$7000多好像貴了點，然後我改變主意了。
不過，還有很動搖我心志的一環節，話說我在銅鑼灣問東問西時，那位sales仁兄很不耐煩！怎樣嘛，我的樣子不似買得起部M9？我又真係買不起的，盛惠$58000(滴汗)！衰就衰在我聽後重複再問，然後更「下」了一聲，幾老土啊，還不被人識穿我窮人一名「運吉」來也咩！之後我再問其他，阿仁兄都是點到即止地答下，有些不耐煩了。罷！罷！罷！
25 則留言:
POCARI︰
咁拎住部機真係好大壓力！
X1賣一萬六至一萬八左右。
LUX5光圈2.0
所以我比較喜歡X澤等大行，可惜冇LEICA機，我焗住要去銅鑼灣。
如果講質素，其實而家機仔真係相當唔錯，求其瞇埋眼執一部都OK架喇！當然啦，如果係部Leica，就梗係影都影得開心啦！
哈哈，原來我寫啲嘢咁有感染力㗎？飄飄然添！ :-P
但我唔單止冇實行去賣部 D90，重買咗支二手 DX 2.8 17/55mm，朋友個朋友升呢，保養得好好！(死未，女人洗錢就係咁㗎啦！）
其實我依然想買部好啲的袋裝機，但諗諗吓反而想 replace部 DC，因為個閃燈唔夠呀。不過我冇諗過 Leica，只在網上看過資料，因為實在太貴喇！
那麼下次要「唔明都扮明」啦！（我番香港玩成日做架，好驚比人覺得我係大鄉里）
幸好我沒買大機，就是怕重。
咖啡：
Leica一定貴，佢發明35mm相機的。而且你好少會去到北極，或撒哈拉沙漠，不需要用Leica的。
若果你不是經常放大相，或在暗環境拍照，Nikon P7000，Canon G12或Canon S95已經足夠。
Canon G12或Canon S95的感光器是一樣的，只是鏡頭有分別。
你不要少看Canon S95，它的影像質素接近單反機的。
SKII：
DC閃光燈射程只有6-10呎，一定唔夠力的。你可把感光速度調至ISO 200或ISO 400，會有改善。
Arm︰
你去咁多地方旅行，亦影下不少珍貴照片讓一眾網友分享到，相信你都有不少影相的心得。
SKII︰
有架有架！當然我本來都有少少同感，睇埋你寫出來，就更加喇！
我今日買咗CANON S95了，所以我的CANON 550D應該都會繼續用。
婉兒︰
我後來諗啲SALES可能一日企到黑，企到攰晒了，個個都行埋來問一餐，惠顧的又不多，所以個SALES是自然反映，但其實我係有心想買的。
風月貓貓︰
大機的確不方便隨身帶著，但假期帶上還是好用的，只是我都很想有部日日可放在手袋的，幾時都想拍就拍。
佛爺︰
昨日我好朋友給我的建議就是Leica Lux5 和Canon S95，S95原本是在首選的。今朝睇咗你的建議，我更肯定應該買S95了，夠輕便，且光圈是2.0，近攝出色，還稱在暗環境影都很不錯。CANON 550D我會繼續用，S95是補償平日不能帶在身邊之用途。
咖啡：
大光圈就等於閃光燈也增強了。你把相機感光度調節在ISO 200，幾乎任何情況都無問題。
我玩相機玩到瘋狂的。大小鏡頭買過近二三十支，測光表，色溫測光表，專業閃光燈等，什麼都玩過，而家返璞歸真，一部DC隨身，和只玩Photoshop而已！
攝影，我可以驕傲地說，熟到爛呀！
佛爺︰
太好了！我會記住的。
你之前都有講過你有用開不同鏡頭，但估唔到你曾擁有咁多，仲咁齊備！而家你只是一部DC隨身，好似回到起點一樣。
哈哈，較早時還在街上用 email 看到佛爺的留言已想“挿嘴”，最近我也在考慮 Cannon S95，早前朋友隨身帶着，我拿來用過，質素好像頗好，朋友還說這小機用上 5D Mark II 的 processor （Ｓ不肯定是 "processor"還是什麼），總之此小機是個“好嘢”。
嘻嘻，再看時 Coffee已經買了，請多多分享心得和意見。
另，佛爺，我之前都用 Lumix 的 DC 因為它用Lecia 的鏡頭，和其他小型 DC 比較，好像影得特別 sharp，但現在又不覺得了。
咖啡：
你要把DC機的Digital Zoom關掉，那是一項有害無好的功能。
你的單反鏡頭，每三幾個月要拿出來，操下佢地，放得耐無用，會自動壞了的。
我形態上是返回起步點，但實質並不相同，因為Photoshop要用到很多攝影知識的。
SKII：
Panasonic和Leica合作造中低檔數碼相機，Panasonic造機身，Leica造鏡頭。
Panasonic以Lumix出產，Leica就以Lux型號出機。兩個牌子是無分別的，只是Leica Lux 貴了一大截，老實說，是買Leica的名字而已！
要買真正的Leica，就只有S2，M9和X1。
我用過一部Lumix Prosumer相機，成部單反機咁大部，發覺它的影像質素跟DC機差不多。我為何要拿住咁大部機？
我每張照片都用Photoshop執過的，所以照片質素猶如單反機。
我連4x5吋底片的大底機也玩過，對大相機已經無興奮！
SKII︰
S95很輕巧，啱晒隨身，即使轉用細手袋都得。我之前買550D冇詳細中文使用指南，S95就有非常詳盡的說明，正！我得閒會多加研究，希望可和大家分享到。
佛爺︰
真係很多謝你久唔久教我一些攝影知識，為方便日後使用中作參考，我剛才很認真地將你的技術意見摘錄在相機使用指南的備忘錄了。
咖啡：
Digital Zoom是廠商用來充大頭鬼的，你在電腦用Photoscape也可做到。
買Leica Lux機，不如買Lumix。為何要付多一截錢買一個虛名？實質是相同的！
DC機已經鬥到無利潤，廠商才大力推廣單反機，但不少人也發現單反機攜帶不方便。
佛爺︰
的確沒有甚麼比方便更重要，方便時自然讓人有舒服感，才可長期使用。
咖啡：
Canon怎會無中文說明書？
http://www.canon.com.hk/tc/product/catalog/productItemDetails.do?prrfnbr=100365&categoryID=6&seriesID=15
哈哈，去親旅行都影幾千張相，仲點會有心得可言！而家影相最緊要快，返到屋企先慢慢執！
佛爺︰
謝謝你！我仲未得閒上你send來的連結。
買550D時，有本很簡單的中文操作而已，但而家S95是很詳細的。
Arm︰
又係嘅！不過講開執相，都幾大工程下架！
發佈留言