女兒

今日放工在地鐡車廂，有位媽媽在教導讀小一的女兒。媽媽越生氣，囡囡越攬實媽媽，由頭仔到腳仔成個人緊緊貼著媽媽。媽媽問︰知唔知呀？囡囡軟軟地點點頭，再攬實啲媽媽。

噢！！

媽媽見我一路望住她們，可能覺得女兒太嗲，叫女兒企好，並拉開女兒，讓她自己抓住鐡柱。囡囡被拉企遠些媽媽，但雙手由攬實媽媽的腰變攬去媽媽的腿，拉媽媽埋自己身邊，頭仔找到媽媽的腹部緊緊挨貼著，一邊扭動一邊繼續做其小樹懶。

看到這一幕，我身心都軟晒！可以攞我的命喔！！