2021年1月12日(晴) 補誌

**安裝新抽油煙機小插曲，話說兩師傅上到嚟，第一件事就係講喉管位唔啱，要開大少少。問開大少少要收錢嗎？要，收一百。這個套路跟之前安裝那部西門子係一樣的，所以在買新機時問得仔細，店員稱除非喉管所需長過配給的，否則沒有任何收費，安裝時如有疑問，可致電回門店。好，打電話問，聽電話的是經理，居然是這樣的︰

經理︰同牌子不同型號出來的喉管大細都唔一樣，師傅會收開位費

我︰    買時唔係咁講，講好包安裝，沒任何安裝收費

經理︰嗰個同事今日放假

我︰    收錢嗰位女職員當時都在附近，佢開單時聽到

經理︰好啦，如果你唔滿意，一係我哋收返部機，退返錢給你

．．．．．

這個結局完全在我意料之外！

之後在附近小電器行另揀過一部抽力勁的西德寶，並已安裝妥當。

後記︰安裝上一部西門子抽油煙機時，師傅一嚟到先給了 $ 100 小費，希望裝好啲，點知然後師傅話要收 $ 100 ，開位費，喉管大過現在的窿位，好，自己唔識，照俾(心入邊唔多妥，話明包安裝)。但是，後來我見到根本唔係家中廚櫃窿位唔夠大，反而被他鋸一鋸，原先美麗的圓型變成鋸齒形，而且窿位偏大了。這就是為何買新抽油煙機時，我多了個心眼。

10/1 南丫島一日行