2013年6月3日星期一

驅小強良方?

夏天到,廚房又開始出現那些極細小的小強,記起有朋友提過去印尼舖頭搵兩種甚麼草的粉,放置在廚房,驅小強很有效。

昨天邊去街市邊whatsapp朋友,諗住問清楚,依稀記得其中一種係斑蘭粉罷。點知去到街市印尼舖時朋友都仍未覆,於是我打算就咁買包斑蘭粉頂住檔先。去到店主話只有斑蘭精,並取了支細細支裝的液體給我看,直覺上覺得不是那東東,再說是斑蘭粉,店主哦~了一聲,問我是否用來製斑蘭蛋糕?這裡停一停,大家有冇食過斑蘭蛋糕,即係美心有賣淺綠色味道不錯那款。於是我說不出口用來驅小強,明明人家是用來整靚靚好味蛋糕,而我就說用來驅小強,畢竟是有點大煞風景,同埋多少有點不肯定,難道真是人之熊掌小強之砒霜。不過我答不答都無所謂,因為店主說她沒有斑蘭粉,但就再推介說有斑蘭葉,我一時決定不了,便作罷離開,橫豎家中還有一包滅蟑清

不久收到朋友回覆,說是香茅葉和斑蘭葉,不是斑蘭粉囉!瞧我這記性!朋友試過,說很有效,香茅葉和斑蘭葉,單獨一種擺放在廚房得,兩種一起擺放更得,說該是小強很怕那兩種植物的味。如真是這樣就太好了,滅蟑清雖有效,但始終是有毒性的藥餌。

嗯,待試了香茅葉和斑蘭葉再下回分解。


10 則留言:

l.minor 說...

會唔會攪到d小強走哂入房?

Coffee 說...

minor︰

你咁講我都有諗過,不過我都會試下。

用滅蟑清都幾好,昨晚見唔到小強,但奇怪又見唔到有小強伏地。

Armadillo 說...

早排喺報紙睇到,話市面上嘅小強藥餌好多都已經失效,因為德國小強經過基因突變,變到唔再嗜甜。

五珍 說...

斑蘭葉咁香,得唔得架?

Coffee 說...

Arm︰

德國小強係咪即係極微細嗰啲呀,我家廚房今晚都繼續冇小強,我計住滅蟑清有效幾耐。

Coffee 說...

五珍︰

所以我喺印尼舖唔敢問,都係帶點懷疑,不過,我會試。

DeepC 說...

放這些天然植物, 好過放化學品, 就算無效也可當香味清新劑. ^^

Coffee 說...

DeepC︰

對呀!我打算週末也添一盆:)

Armadillo 說...

而家喺屋企發現嘅多數係德國小強,即係細細隻嗰啲。大隻嗰啲太易打,一早就絕咗種架喇!

Coffee 說...

Arm︰

哦,原來係咁!
不過大的都可能未完全絕種,覺得冇咁易,小強的繁殖能力太強。

Related Posts Plugin for WordPress, Blogger...