包容

五、六人在排隊等地鐡，突然有條友衝埋嚟 (原諒我咁粗魯形容那位女性)，逼去最前面中間門口位，原來前面一左一右係佢嘅同事，佢右手邊同事即時擰轉面嚟望下群情，對，洶湧緊！快啲劃清界線好喎！

喂，你而家打尖呀，你估自己衝緊去救援咩！你打尖打得斯文啲唔得嘅，雖然都係打尖，但如果你低調啲起碼被你打尖的都感受到你已知自己不對，被你打尖的會諒解你想和同事一起(有位坐)，你如斯大動作高姿態沒有一聲借借就逼去前面，排隊中的人冷不防要側身讓你，你以為你這麼有勇氣地打尖就不是打尖喇！


一個工作了好多年的同事驚訝原來 Scan 是用影印機進行的！！我厚道得沒有露出我心裡更大的驚訝！！！！！！


先聲明本人長相極一般，普通到係一堆人中永遠都不會被發現，所以如果一個陌生人，不論男女，係咁望住，我會有點忟，今日係自己大廈上樓電梯內又遇上，如果佢識讀心術，就知我已一輪嘴了︰望咩呀！你新搬嚟架？望夠未呀？架電梯又唔大，本已侷促！