我是否罪人

昨天做了一件從未想過會發生在自己身上的事，就係幫朋友買奶粉。

深圳一位朋友的朋友兒子快兩歲，出世起便飲購自香港的奶粉，但近日買不到奶粉，夫妻倆前後來了六次，一罐都買唔到，兒子就快斷糧。以為香港實施奶粉管制，不賣給外地人，所以非不得已下託上託搵我幫手看看。到家附近問了相熟藥房老闆，原來藥房近日已沒有奶粉供應，老闆說他想幫自己妹妹的孩子買都買唔到了，但就告知屈x及萬x每日有些貨源。

昨天放工經過返工附近的萬x，諗住即管入去問下，估唔到竟然有貨，說剛到的。貨架有六罐那款奶粉，職員問都唔問就自動幫我取了四罐，後來我想到可能一人最多只準買四罐罷。俾錢時，那職員細聲說，好彩你早一步入嚟，你睇有人拉車子嚟裝啦，只見一內地男子拉著一車子，裡面已裝著好多罐奶粉了。職員再說，你可以入會呀，入咗會可訂購，就唔使咁樣撞彩數買法囉，還遞了張卡片給我。

手挽那四罐奶粉行去地鐡站真唔講得笑！

因為那四罐奶粉，在地鐡車廂時見到多次奇異的目光。

回到家致電朋友，告知死好命，買到四罐了。不一會朋友再打來，說她的朋友高興得在電話上就哭了，我笑說是她孩子的福氣。

今日放工繞道一連問了五間屈x及萬x，均沒有貨。

PS︰看官如果討厭內地人，這裡沒意冒犯，只是記錄一則生活小事而已。