打機對白

我坐在沙發沉迷在Candy Crush中，R見狀問我在幹甚麼？我答曰過緊關，這第三十五大關搞了兩日都過唔到。R行過來觀望，然後說，哩啲關好難過架，要你買魔法，有咗遊戲魔法，你就好容易過關。我仍低著頭，問，真係用錢買定係詐家依買架？R不屑曰，邊個得閒同你詐家依買，真金白銀用信用卡登記買架！我呆了呆，下！玩遊戲玩到用錢買魔法？

R︰大把人用錢買啦，用少少錢你可以勁好多喎！
我︰呢樣少少錢嗰樣又少少錢，邊有咁多少少錢！錢要用在當用的地方。
R︰你食少一盒朱古力已OK啦！
我︰所以我再供養唔起多樣嗜好，做人要知慳識儉，而且打機最好玩的地方就是過關，太容易沒了挑戰唔好玩。
R︰咁你可能打到地老天荒都打唔完。( 哈，又係呢句，我鍾意！)

過不了這第三十五關唔緊要，我可以地老天荒玩落下，直到乏味便作罷。