街市靚女

很不喜歡去街市，但街市係最多人叫我靚女的地方，所以我覺得去街市又冇咁難頂了，街市味好似都冇咁重了。但係有一天，我發現嗰個街市豬肉榮 ( 我認為所有賣豬肉的都叫豬肉榮，嘿嘿！)，大大聲叫個接近女版八兩金的都係叫靚女，我便徹底被打敗了！僅存的一點點關於靚女的自信心，瞬間蕩然無存。

從此，我極不願意再幫襯一向幫襯開的豬肉榮，但偏偏他硬係刀下有情，秤先啲收平啲係我蒙受的特殊待遇，這年頭誰會跟錢銀作對呢？於是，我同豬肉榮講，你唔好再叫我靚女，再叫我唔幫襯你買豬肉架！　

豬肉榮一臉莫名地「吓」了一聲，我陰陰嘴笑了。