2012年6月7日星期四

這碗飯真抵吃!


下班後趕得上在吉野家吃個下午茶餐,一個小牛肉飯,份量適合不想食太多的人,而對我來說,還是稍微多了點,不過我都吃下了,不浪費自己碗裏的食物,是我的衣食原則。這個下午茶餐牛肉飯盛惠 $ 15.x ,好抵!



食我的小牛肉飯時,有四個大男仔坐在我前面,他們在聊剛考完的公開試英文口試情況,甲說他的題目很難,關於香港慈善機構的,甲說鬼知道有甚麼慈善機構,名稱都不知道,怎麼說!乙說你講紅十字會囉,紅十字會是 Red Cross ,還有 Blue Cross ,藍十字都是慈善機構架!甲回應說當時一緊張哪裡記得。到丙發言了,說還有賽馬會慈善基金都是慈善團體,賽馬會怎麼說呢?不知誰答了一個字,Horseing !最後到丁說了,丁問保良局是不是慈善機構呀?保良局好像是 Pok Leung Kuk 喎。對以上各同窗的回應,甲好無奈說,沒喇!七分鐘我都不知自己講了甚麼,只是記得講了 Charity ,Help People 少少幾句囉!



聽到以上如此精彩絕倫的對白,我忍不住抬頭睜眼望向他們,其中一人的視覺角度同我完全對望,我細嚼慢嚥的望著他忘記該轉移視線,片刻後才醒覺過來,我重新低頭進食,嘴角浮起一絲旁人察覺不出的笑意,笑,說不定那大男仔可能以為我未見過靚仔 ( 咁佢又真係 OK 靚仔嘅 ),看他太靚仔,看到定了神呢!死未!



14 則留言:

攞你命三千 說...

小弟試過四個人食五個飯
一人廿蚊有找~

L L 說...

haha, 哩餐好和味呢 ^^

吉野家以前我都喜欢,但最近好似覺得咸咗啲,唔知係咪自己口味轉了。

陽光的戀人 說...

我猜咖啡說抵吃不單指那碗牛肉飯, 還有吃不進肚子裡的東西, 那些富娛樂性的對白.

DeepC 說...

吉野家的下午茶份量, 跟午餐差不多, 只是飲品沒得選及少了套餐付品如泡菜之類, 但價錢平三分一有多.

放咁多辣椒ge~? 看來沒戒口了 ha

卡臣 說...

秀色...都可餐

Coffee 說...

三千︰

都係下午茶時段吧,佢份量都幾夠多。

Coffee 說...

校長︰

係呀,肯定係比以前鹹咗,我都好覺得。

Coffee 說...

阿路︰

當然啦,幾個已接受完中學教育的人,對話中唔肯定保良局係咪慈善機構,賽馬英文唔曉,香港藍十字係做保險嘅,食一碗飯聽到咁多嘢,你話抵唔抵呀!

Coffee 說...

DeepC︰

午餐我好少食吉野家,返工嗰頭冇,但試過幾個同事一起叫外賣,價錢比店內食較貴。

我早已沒有戒口,自那天飲了自家茶,便沒咳了。

Coffee 說...

卡臣︰

要好秀色才得。

Armadillo 說...

哈哈,咁liulung嘅題目,如果我去考就肯定肥佬嘞!話時話,既然見到靚仔,點解唔影番張相放上嚟同大家分享吓呢?

韻味熊貓 說...

我覺得吉野家無得頂,尤其是鰻魚飯,我食過番尋味。

香港的學生無知得很緊要,以為北美的West Indian是印度移民。同佢地講,西印第安人是加勒比海原住民,是因為航海家哥倫布誤以為到了印度,才以為他們是印度人。

嘩!成班友幾乎要批鬥我,話我無知,幾乎要聲討我,嚇到我當堂無聲出。嗚!嗚!嗚!

Coffee 說...

Arm︰

不可思議的是講不出幾間香港的慈善機構,用中文講喎,香港年年幾多慈善團體上電視,然後開醫院辦學校,唉!

影靚仔?唔喇,過眼雲煙。

Coffee 說...

佛爺︰

感覺上吉野家的飯好似健康啲,不過而家佢嘅牛肉飯真係鹹咗。

有冇搞錯呀!稍為讀過下世史嘅都知啦,仲要成班人圍你!

Related Posts Plugin for WordPress, Blogger...