2012年5月24日星期四

噢!多花了一元四毫!

昨天一舊同事約我們幾個一起吃午飯,原本很容易促成的,到今天才發現成不了事。有同事稱照舊叫外賣罷,但因之前同一天分別有兩間主打外賣店,都送來加料小強外賣,我已將它們例入拒食黑名單了。關於外賣附贈小強一事,有同事認為不用太緊張喇,因為基本間間都一樣,自己的家居都尚且有小強,更何況街頭食店。對此,我無異議,但當日飯盒內有隻小強尸體太觸目驚心了,陰影還在,本人暫時都不打算叫它們的外賣飯盒。

好啦,轉回本篇正題。
心意早定了去麥當勞買一直未試食的至尊燒雞堡,排隊期間,無意間發現,原來不同地區的麥當勞,這至尊燒雞堡和至尊燒雞沙律,定價是不一樣的,一間的比另一間多了 $ 1.4 。想問問是否大家都知道麥當勞價錢不一樣呀?我只知道海洋公園,山頂,機埸等地的價格比市區的貴,不知道原來市區本身也有小差異。會不會只是推出的新套餐價錢有不同,而原有的套餐,應該在間間市區麥當勞都一樣罷。


這燒雞堡真夠大的,味道方面本人不太喜歡。本人最喜歡的是至尊漢堡,也是超大的,很高卡,通常很久很久才吃一次,還得那天不吃早餐,才可來那麼一次的放縱。








10 則留言:

卡臣 說...

我已試過,不錯呀

攞你命三千 說...

糾正: 唔食早餐係致肥因素黎,加埋食高能量食品真係相得益彰~

Coffee 說...

卡臣︰

哈!呢樣就係人嘅口味不一樣啦!

咁你嗰個餐幾錢呀?

Coffee 說...

三千︰

我有食早餐習慣,雖然只係一杯少少豐富的麥皮。

想食高卡食物那天,其他會少食少食,心安理得嘛!

韻味熊貓 說...

我知道大家樂和大快活在不同地區的價錢有出入,但麥當奴就不清楚了。

Coffee 說...

佛爺︰

你係咁遠水路都知,我真係唔知大家樂等都有價錢出入。

Armadillo 說...

應該係冇劃一價錢,報紙都有賣過,天水圍老麥竟然仲貴過中環!

Coffee 說...

Arm︰

嗨!整我仲以為自己發現咗新大陸添!

DeepC 說...

現在香港的M記的食物不貴 (價格是有浮動的), 始終比一般餐廳set lunch / dinner 平, 由於間中才幫襯一次半次, 價格就不會太在意, 反而留意留意他們的質素, 不同店的質素是有點不同.

Coffee 說...

DeepC︰

我都係好間唔中才食一次,不過由此我又諗到,試過同一天行同區的三間萬寧,原價一樣,但所打折扣不一樣,後來發現屈臣氏都係咁。

Related Posts Plugin for WordPress, Blogger...