2012年5月10日星期四

無法抗拒的健身教練?

前些時候同一舊同事食飯,一坐低佢就大吐苦水,話去舒X堡享用某免費優惠時,被健身教練遊說買了三年會籍,及單對單教練指導訓練體型課程三十堂,每堂一小時收費 $ 600 ,三十堂即一萬八千元,再加三年會籍的費用,唔該合共盛惠大約三萬五千元,這筆數讓舊同事後悔不已。本來他說到月費四、五百元全包的三年會籍時,我們都覺得差不多啦,但當他說到購買了三十堂單對單教練堂時,我們都忍不住要鬧他。他說見到教練有一流嘅身型,再經教練落多幾錢肉緊,說一定可以操到像教練自己一樣咁 Fit ,於是便心紅了,便糊里糊塗應承了。然後一出舒X堡的大門,就開始清醒,一清醒便後悔得不得了。舊同事苦著臉說而家工作又可能有變數,已開始搵另一份工,萬一失業,仲要供那幾萬銀添架。唉,愛莫能助!做人行事,終究靠自己。

6 則留言:

l.minor 說...

去呢d免費野,真係要好有決心唔Join先得

另外我發覺佢地大都著細一個碼衫(當然都要無肚腩),望上去好大隻咁,因為發覺佢地換番去街衫,大都同平常人差唔多size

韻味熊貓 說...

咖啡:

個教練對住我就慘了,因我成日遊雲,佢講無兩句,我已經雲遊四海,唔知佢講緊乜野喇!嘻嘻!

Coffee 說...

minor︰

所以我成日收到啲免費 facial 信息、電話,我一次都冇去過,邊有免費午餐架!

其實女性好多都唔鍾意男人太健身look。

Coffee 說...

佛爺︰

大家網上以文交流咁耐,人哋校長、Arm、卡臣呀都貼過自己的相,背影側面都得架,睇下你有幾 fit ,使唔使俾健身教練單對單訓練下嘛,嘻嘻!

DeepC 說...

現在是不是有冷靜期, 可以要求退款?

Coffee 說...

DeepC︰

買保險就有冷靜期,健身美容唔知有冇呢?

Related Posts Plugin for WordPress, Blogger...