兜風不成

偶從窗口向下望去，噢，原來今晚屋苑有燒烤聚會，我說早知報名參加，不過冇人和應。我還是乖乖換衫入廚罷，煎雞翼、洋蔥瑤柱煎蛋，二樣，好易整，連R都識煎下雞翼識發下蛋，微波爐叮軟了身的瑤柱好有瑤柱味。不過他在電話對食雞翼有微言，話多激素，我知，但一個月都食唔到一次，加上而家通街食物都有毒素，有毒又貴，樣樣都買不下手，我有一刻覺得自己成了劊子手，就來有選擇恐懼症！但，難道自己去種去養不成麼！

開飯喇，十隻雞翼，我食了一隻，R食了八隻，無肉不歡的R令我擔心，於是我總是想著法子將蔬菜弄成不太蔬菜的樣子。

我本想今晚出去兜兜風。