下午的工作不多，四點時河粉請大家食榴槤雪糕。真沒騙你，這款榴槤雪糕特別滑身特別有榴槤味，我食第一啖時，已忍不住叫了出來︰嘩！好味到冇朋友！好幸福啊！
講開味道，河粉不知如何就說到男人味哩個話題上，說男人都有男人味，我同菜蜜不約而同地說︰臭味吖嘛！(好明顯我哋玩異性針對)
之後我將話題延伸至國際級水平(我有點能耐，是不是？)，我這樣說︰印度男人身上啲味好勁，應該同佢哋成日食濃烈口味的食物有關，好似印度咖哩呀。
菜蜜接嘴講︰係咯！又成日搽埋佢哋啲咩嘢印度神油呀！
喔！靜晒！
我放慢速度問菜蜜，你講緊咩嘢呀？
菜蜜道︰印度神油吖嘛！啲印度男人(其實佢講阿差)搽到成身味嘅印度香水吖嘛！啲神油加埋佢哋啲體味，好印度男人(其實佢仍然講阿差)味咯！
哈哈...我同河粉終於爆笑！我邊笑邊說︰我知道嘅好似唔係印度香水喎。
然後我和河粉誰也不願向純情的菜蜜解釋，剩係一味笑，終於，菜蜜上網打了印度神油四字求證，哈哈！
14 則留言:
南亞人不論男女天生有種濃烈體味, 有次去斯里蘭卡乘坐斯航, 飛機上除了我們旅行團, 其餘的似乎都是回家鄉的南亞人, 飛機未起飛時機艙內瀰漫一陣難聞味, 好在起飛後空調發揮作用, 那股味道漸漸淡下來.
妳的咖啡豆真好看, 是妳的珍藏嗎?
路︰
是天生定真係飲食嘅原因呢，佢哋嘅飲食真的很重味。在飛機上焗住，有冇諗過戴口罩哩。
張照片是網上找的，因為喜歡，所以都算珍藏，不過是照片珍藏:)
Coffee:
那種體味說起來可能又未必天生, 真的跟飲食有關, 因為想起那次旅行, 在渡假酒店泳池跟當地小朋友一起玩, 並不覺得他們有體味. 機艙內的味道避無可避, 那時候又未流行戴口罩, 不過飛機的空調真的神奇, 後來味道消失了.
路︰
我有個朋友住在公屋，隔離係南亞人，佢話整天都有好強嘅食物味傳過來佢家，好唔鍾意，成日話好難頂，想申請調遷，當然唔成理由啦。
至於飛機上的味，除了飛機空調的作用，嗨，有可能係你適應咗了:p
妳同事嗡得出印度神油呢四個字，又知佢大陣味，佢當然係見識過先同妳地分享啦:)
Eben︰
你又洞悉先機！
佢百分比百張冠李戴咋！
聽說九龍公園游泳池
有一陣油浮面
(因太多印度人游泳)
卡臣︰
好笑！如果係真嘅都幾攪嘢，哈哈！泳池水有消毒濟等等，可去污嘛！
我住緊嘅屋苑有好多南亞人，搭嘅時候都發覺佢地陣味好勁，不過係香水味囉！至於體味，我都係覺得黑人最勁，最近去咗兩次非洲，真係有深刻體會！
Arm︰
講到黑人，我認為佢哋啲體味真係天生架喇，同埋有啲黑人嘅體味真係好惡烈的:P
咖啡：
其實都唔出奇，兩公婆結佐婚十六年，都以為係床上穿著睡衣攬埋就會生仔，以為男女雙方的獨有器官，只是用來排尿而已！嘻嘻！
佛爺︰
此話當真！可能智商邊緣低下掛！
也是, 很多時候, 對於那些純情小朋友, 真不便糾正. 有時候, 一些女性被抽水, 不單是不明白, 更拿那些話語跟別的人說, 我不得不問: 妳究竟知道不知道自己在說甚麽?
嚴明︰
你講嘅情況我明白，我諗好多女生在年青時都經歷過，跟著別人說自己不明的輕薄說話，被人取笑時才如夢初醒。唉，經一事長一智咯！
發佈留言