昨晚又出去跑步了，中途見到二位看似未足二十的年輕女生在做拉筋運動。只見二人睡在輔助器材上，邊數著一、二，一、二，邊你起我落做著仰臥起坐，很合拍，加上身穿同色系的 T -Shirt 熱褲，煞是好看。經過時，我含笑向她們行注目禮，嗯，青春真好！
跑畢，我開始做筋骨伸展，週邊不少人在閒話家常，我對一些無意聽回來的對話失笑了。因著夜色的掩護，有些肆無忌憚地，讓閨中密語流溢。然後，我見到一對超肥的夫婦，這對超肥的夫婦又讓我想起和雪的一小段對話，雪初到美國時，見到好多大胖子，伴侶亦一樣超肥，她心生好奇，究竟二個咁肥的人如何做牀上做嗰樣嘢呢？我說人年紀越大會越來越肥，到好肥時可能已不需要啦！雪稱，她指那些青壯年大胖子喎。我當時嗄嗄笑個不停，並說，哦，我諗下，諗到時話你知。
當然諗不出個所以然啦！嗯，呢個問題又如魔咒一樣如影隨形，之後我一見到大胖子就諗起雪的好奇，其實已是我的好奇！
正在我胡思亂想之際，突然聽見一句字正腔圓的四字粗言，循聲望去，萬萬估不到，原來是適才所見到的那二位年輕女生所嗌出。人啊！到底要經過怎樣的試煉，才會視粗言是平常。
12 則留言:
第一次聽見漂亮女士說粗話, 我也十分驚訝的, 有感而寫了一篇文章: http://epeace128.mysinablog.com/index.php?op=ViewArticle&articleId=244211
現在見怪不怪了.
路︰
去看了。
漂亮女生說粗話，是一種極大的反差，但如果不漂亮，又仲要說粗話，更嚇死人！
絕對同意！幾靚都係假，靚女爆粗真係會令人好唔開胃。
Eben︰
中國人的粗言，唔知點解專係問候別人女性親人！
1) 過重男女房事的要訣﹐二字記之曰﹕體位。 :o)
2) 洋人的問候語也涉及對方母親﹐只是成為名詞﹕motherf***er﹐ 或加上ing 成形容詞。
有時候不常說粗言的人突然爆一句粗﹐不管男女﹐頗為有趣﹐有助增強語氣﹐擲地有聲。
小孩子滿嘴市井粗言﹐才最令人側目。 :ox
best actor︰
男女房事這家嘢，都有啲學問:p
不說粗話的人突然爆一句出來，特別在情侶間，的確很有趣味，不過也是只可偶一為之喇。
靚女食煙講粗口劈酒....證明男女平等?
卡臣︰
但係好多男人都唔係咁架喎，係個人問題。
我都被女生以四字真言問候過，但我無回禮。中文我唔講粗口既，但英文就不時都用粗口，感覺無咁核突卦！
佛爺︰
此禮何必回！
粗話除了罵人，在朋友中使用或者可當語氣助詞，就睇朋友是否接受了。
靚女係人，豬肉佬又係人，冇理由豬肉佬可以講粗口而靚女唔得啫！我聽過最令人反感嘅粗口反而係出自兩個𡃁仔口中，佢地係兩兄弟，嗌交嘅時候最鍾意用嗰句四字真言互相問候！
Arm︰
我雖冇直接聽過，但都間接得知有個阿哥用呢四字真言鬧自己個妹 :p
粗話多數是聽的人受不了，以我為例，最受不了就係別人向自己講粗言，不過印象中好似未試過。
發佈留言