回家前入了轉惠康，但終於咩都冇買。正準備由收銀旁邊的通道離開，身後不跟媽媽一起排隊購物的一名約四年班男孩，搶先行到我前面。突然果個男孩反手向後一飛自己手上拿著的外衣，外衣正好打在我的臉上，拉鍊扣撞擊我眼鏡片的聲清清楚楚。我沒有出聲，但企定望住個男孩，男孩轉過身來望下我，甚麼都沒有說，快速走去收銀機前等媽媽。我留意到那位媽媽的視線是見到剛才那一幕的，我，以為有人會道歉！我，以為有人會開聲教仔道歉！但，是沒有的！
我忍不住要開聲幫人教一次仔了！我先望了眼那媽媽，然後再望住那男孩，不慍不火地一字一字說道︰小朋友，你件衫打中我喎！(臉帶笑意)
哈！竟然冇反應！大人小孩都一樣。
我收起笑容，用嚴厲的眼神望著男孩，略提高聲線再說一次︰小朋友，你件衫打中我喎！
然後那男孩望住另一邊，對住空氣很不情願很細聲很模糊地說了︰對唔住！
我轉身離開，身後留下一串鄙視給那位時尚的媽媽！為甚麼沒有道歉的文化？不是只有故意犯錯才需道歉的！
21 則留言:
唉
有怎樣的父母
便有怎樣的子女
我們的下一代點算呀
係呢d父母, 先會有o甘既細路~~
不懂/不敢/不會說對不起﹐除了是缺乏涵養外﹐也是缺乏自信心和勇敢的表現。
外表裝得多時尚都沒啥用。
真係唔明呢啲人!
但呢個世界真係好多,我以前試過有女生(當時都算後生,唔叫佢做"女人")喺超市裡成駕車車過來,撞倒我(同我駕車),竟然係個男朋友向我道歉,不過當年阿s好好火,唔收貨,同個男人講,撞倒我嘅唔係你,要講叫佢自己講!跟住佢哋掉頭走咗....
卡臣︰
我一見到啲基本禮貌都唔教的父母，就有火！
篤篤︰
就係！社會係大家嘅，教育兒女人人有責！
Otto︰
多謝留言！(去唔到你度嘅？)
其實昨晚果個我估讀四年班的男孩，長得幾高大下架！咁簡單的即時道歉都唔識，日後一定同人多摩擦，人際關係不良。
best actor︰
對！對！>>除了是缺乏涵養外﹐也是缺乏自信心和勇敢的表現。
愛孩子就要教曉孩子！
SKII︰
哈！睇了你講的，我都會同你一樣咁做。
我還很阿Q呢！我會諗到自己日行一善，教了別人一些東西。
看完妳這篇文，再回想一下最近有關香港學校問題的新聞，不勝唏噓！
那小朋友要say sorry需要勇氣，而妳去教別人的小朋友去say sorry更需要勇氣！賞妳一個讚^^
其實講句對唔住有乜咁難？
Eben︰
謝謝你！:)
被你睇穿我當時其實係有啲怯架！
佛爺︰
好明顯家長從未教導過！
Coffee：
要練好氣牆，三步之內，蛇虫鼠蟻不敢埋身，俾人無意整到嘅機会就會細啲！
佢阿媽會諗『細路仔點識咁多嘢啫？』，但細路仔唔識你做人老母生得出個仔無理連咁基本的禮貌都唔識！
仲有一啲係地鐵推個仔去打尖要個仔霸埋佢個位嘅父母，真係無眼睇第時香港會係點！
Well, 他還是道歉了! 妳真厲害, 我可沒有那種耐性. 昨日同朋友外出, 下的士時, 朋友以爲有東西遺留在車上, 便擱在門邊, 回身看, 一看再看. 與此同時, 一個男人站在旁邊, 看來很想馬上上車. 最後朋友確定沒事了, 我馬上跟男人說了聲"sorry". 見他很黑的臉, 但也無奈說"it's ok" :D 我知道他其實很不ok, 但也得接受. 而我亦知道, 他雖不真的接受那道歉, 但我說了, 他的氣恨快就下, 否則, 可能要氣一個晚上.
真的, 我發覺, 就算外表看來是很爛的人, 只要我肯說一聲"sorry", 對方都會"接受", 感覺比"please" 更神奇! 沒錯, 人都只為一口氣, 也要強裝容人之量, 所以, 禮多人不怪:)
校長︰
氣場？即係行路時練丹田氣，校長一定要過二招來！
the8︰
對呀！你不提由自可，一提把幾火！車門一開，細路打尖衝入，驚撞親佢哋，然後一坐低二手一伸開霸住個位，大嗌︰媽咪，呢度！
你話死未！
嚴明︰
睇來一句sorry的用處真的好大！sorry的潛台詞應是︰我知我有令你唔好感受！
>>妳真厲害！
嘿！下次我寫返我有一次係深圳歡樂谷的經歷，你可能會再大跌眼鏡！
咁嘅例子實在係太多喇，真係講三日三夜都講唔晒！𡃁仔喺公共場所wewa鬼叫，喺茶樓玩捉伊人，喺地鐵練短跑，做家長嘅竟然可以視若無睹，都唔知佢地係唔識教定係唔想教！
Arm︰
我覺得係家長懶得話，係，教細路係好辛苦的事，但生得出就要教，呢樣係好基本的責任來架！
試過好多次啲細路成程郁來郁去，隻鞋不斷踢下踢下過來，啲家長都唔出聲話，我出聲講，又好似我對孩子無啲包容，唉！
發佈留言