昨天中午自己一人外出食午飯。食完一個枯燥乏味的二餸飯後，心思思很想食雪糕，注意，是很想的想！要知道我已很久沒有刻意買雪糕給自己食了。猶豫緊要不要孤單一人行落個大斜去買雪糕時，雙腳已拾步往回走，但走不了三幾步，大腦又發出強烈想食雪糕的信號！我知我如果不能立馬食上一啖雪糕，我到夜晚上牀前都不會有好日子過！去！去買！我的人生還會有幾多這些霎時衝動呢！
去到7仔，一向給我混亂感覺的價錢牌，呢次又好清晰明瞭喎(係我睇明白了)。二支雪糕磚加一個雪糕杯的優惠裝，盛惠$38.8，我覺得好似好抵(少買，點知抵唔抵)，於是選了這款。嘿，有冇人陪我癲下呀(咁啱你又有點空閒)？你認為我會食邊樣先呢？
對了，昨天我食雪糕時正好睇緊篤撐的維園阿伯篇，即時哈哈地笑了，但冇噴飯一樣咯！不過當時辦公室得我一個人，笑完我有啲慄！
12 則留言:
唔怪得妳答得咁怪啦^^
BTW，妳一個人食晒三件ar？
Eben︰
極有可能，不過唔係一次過，我而家準備食第二了。
點呀？估下我食呢三件的次序吖！:)
士多啤利 ->Rocky Road->餘下果枝，如果$38.8，我都感覺好抵
minor︰
多謝你！我的次序係︰
餘下果枝->士多啤利->Rocky Road
抵呢！去7仔買吖，好好味呀！
我冇食 dreyers好耐了, 近幾年食 M字頭同 H字頭
篤篤︰
我基本上都少食雪糕，不過我今日食士多啤梨味的，又好唔錯！
support dairy form!
睇到流口水。
哈，我也會偶爾很想吃某些東西的衝動，但，一般，我能等, 一兩天吧:) 至於雪糕，不敢吃太多了，就算偶爾吃一點也覺得有點兒過份。Well, 還是會偶爾吃一點:P
卡臣︰
你似乎喜食雪糕喎！
佛爺︰
去買幾支食下吖！
嚴明︰
等一、二天後還想食呀？噢，可能更想食！
我一樣是很偶爾才食點，就算去食自助餐，我都很少食到雪糕。
發佈留言