2012年9月1日星期六

淡鹽水減少掉髮

微博常常有些護理皮膚、頭髮的偏方,複雜又多工夫的自然興趣不大,簡單方便的我倒是很願意一試。例如看到說每次洗頭加少少淡鹽水,可減少脫髮,姑勿論是否真能減少掉髮,淡鹽水對身體益處多多,特別是有消炎的功效,所以就算不減少掉髮,都一定可舒緩頭皮痕癢及減少頭皮罷,於是我很樂意一試。

選用十多元一包的食用海鹽,如果有效,一次用少少,十多元一包便超值了。近幾天洗頭均有用,使用的方法是洗好頭髮後,將開好的淡鹽水均勻淋落頭部,然後按摩幾下,感覺讓淡鹽水滲入頭皮,停留一會兒,待洗澡完畢一併沖乾淨便可,非常簡單又方便。

13 則留言:

ep 說...

哈哈, 如果鹽水對頭髮有益, 那麼海浴應該同樣有點功效吧.

Armadillo 說...

咁咪即係醃鹹魚?瞓醒會唔會發現枕頭有啲鹽花架?

卡臣 說...

會否有蚊「嬲」頭髮?

Coffee 說...

樓上三位同學太不認真喇!!

Coffee 說...

ep同學︰

自己 google 下淡鹽水同海水的分別!

Coffee 說...

arm同學︰

將「停留一會兒,待洗澡完畢一併沖乾淨便可」理解透徹,然後罰抄!

Coffee 說...

卡臣同學︰

有涉嫌睇同學功課,請重睇貼文,然後罰企!

五珍 說...

幾耐見效?

Coffee 說...

五珍︰

仍未知,才用了四日,一、二個星期後該有分曉。

DeepC 說...

犀利, 真有恆心, 等看結果! ^^

Coffee 說...

DeepC︰

如果真係可以減少掉髮,我一定會堅持落去,可以靚可以對身體好的事,只要不麻煩的,我OK架!

五珍 說...

遲啲研究埋令頭髮變黑呀﹗
改咗設定啦,我一路都以為自己冇set驗證。真大頭蝦。仲係度話你,對唔住對唔住﹗好在你提醒我。

Coffee 說...

五珍︰

有見到黑髮偏方,但好麻煩架,好似執中藥咁,半信半疑的東西,方便都話試下,麻煩的就算了。

關於那驗證詞五珍言重啦,其實我同你一樣,有時真係睇到忟。

Related Posts Plugin for WordPress, Blogger...