那天在琴行接受護理鋼琴培訓。
職︰嗱，幾樣嘢一定要記住嘅！首先係拖地時，記得叫姐姐果把濕地拖唔好掂到琴腳。
我(在心中嘀咕)姐姐？ (萬分一秒後明白)︰哦！
職︰跟住呢，記得叫姐姐唔好擺過多嘅裝飾物係琴頂上，至緊要記得叫姐姐唔好放重物在上面。
我(呢次好醒，完全明白)︰知道！
職︰仲有就係留意住濕度變化，潮濕天記得叫姐姐擺部抽濕機係琴側跟抽濕。
我(上咗身)︰係！知道！
職︰買專用嘅清潔劑給姐姐...
(下刪幾百字都係關於我要吩咐家中姐姐做的事)
原來賣琴者視買琴者、彈琴者及姐姐為一黃金組合，嘿嘿！為買部琴我近來已開始節衣縮食了，再請埋姐姐，我難保不餓死街頭呢！臨走前，職員還咬住我家姐姐不放，我終忍不住笑道︰我咪果個姐姐咯！
同場加映︰
昨天我掃地中途接聽電話，順手將掃把放在琴側跟，然後我聽見說，姐姐，掃把唔好放在琴邊，一唔小心好易刮花琴架！
我︰咩事呀！想點先！@#$%&@#$%&
16 則留言:
妳同佢講：我來自德成!!^^
Eben︰
你家靚靚姐姐是否來自德成？同鄉呀！
No lar, 睇德成個廣告,果個姐姐係用咗在道場上,一般用嚟暗示要將對手要打鑊甘嘅躹躬方法,點敢請呀??!!
>> 姐姐，掃把唔好放在琴邊，一唔小心好易刮花琴架！
姐姐呀姐姐,今晚食乜餸呀? XDDDD
em...唔好用金寶綠水，傷琴...
Eben︰
身手不凡，有過人之處，護主正好呀！
the8︰
講到煮食，呢位姐姐一定要參加再培訓課程！
minor︰
「金寶綠水」！我會記住架喇！
以上說話是如假包換的變音版本。
唔係人人屋企都有請「大姐姐」的。嘻嘻！
佛爺︰
如果係你筆下果啲「大姐姐」，我諗好多(男)人爭住請！:p
賣桔者言<--食字食得好
我淨係想回應：哈哈哈哈！
當初聼到別人說"姐姐", 真的以爲是家姐:P 原來, 是現代家長, 為了使家中公主王子學會尊重家庸, 才改口説姐姐. 我又想, 對細路 (細路就是細路, 不能當成"朋友") 來説, 幾乎所有比他們大的女生, 都叫姐姐哦, 如此一來, 豈不是, 街上所有姐姐都是家庸! 為何不叫名?
買琴的，果然是非富則貴，否則那職員也不會一口認定，妳家有家庸:) 哈，如果我去買琴，不知道他們會不會也跟我這樣說:P
卡臣︰
我有段時間常睇張五常，不過《賣桔者言》幾讀幾放下，終於都仍未睇完！:p
SKII︰
我常自嘲！
嚴明︰
你講得啱，應是近年興起的，嗨，果然通街都係姐姐！
>>買琴者非富則貴！
嚴明，我都想呀！雖然我絕不富貴，亦不貪戀富貴，但富貴有富貴的好處。(我咁講，可能有人想打我！:P) 你去買琴，佢哋可能驚男人不細心，直頭叫你帶家傭來聽培訓課程。:)
發佈留言