2010年11月17日星期三

賣琴者言

那天在琴行接受護理鋼琴培訓。

職︰嗱,幾樣嘢一定要記住嘅!首先係拖地時,記得叫姐姐果把濕地拖唔好掂到琴腳。
我(在心中嘀咕)姐姐? (萬分一秒後明白)︰哦!

職︰跟住呢,記得叫姐姐唔好擺過多嘅裝飾物係琴頂上,至緊要記得叫姐姐唔好放重物在上面。
我(呢次好醒,完全明白)︰知道!

職︰仲有就係留意住濕度變化,潮濕天記得叫姐姐擺部抽濕機係琴側跟抽濕。
我(上咗身)︰係!知道!

職︰買專用嘅清潔劑給姐姐...
(下刪幾百字都係關於我要吩咐家中姐姐做的事)

原來賣琴者視買琴者、彈琴者及姐姐為一黃金組合,嘿嘿!為買部琴我近來已開始節衣縮食了,再請埋姐姐,我難保不餓死街頭呢!臨走前,職員還咬住我家姐姐不放,我終忍不住笑道︰我咪果個姐姐咯!

同場加映︰
昨天我掃地中途接聽電話,順手將掃把放在琴側跟,然後我聽見說,姐姐,掃把唔好放在琴邊,一唔小心好易刮花琴架!

我︰咩事呀!想點先!@#$%&@#$%&

 

16 則留言:

Ebenezer 說...

妳同佢講:我來自德成!!^^

Coffee n Tea 說...

Eben︰

你家靚靚姐姐是否來自德成?同鄉呀!

Ebenezer 說...

No lar, 睇德成個廣告,果個姐姐係用咗在道場上,一般用嚟暗示要將對手要打鑊甘嘅躹躬方法,點敢請呀??!!

the8 說...

>> 姐姐,掃把唔好放在琴邊,一唔小心好易刮花琴架!

姐姐呀姐姐,今晚食乜餸呀? XDDDD

l.minor 說...

em...唔好用金寶綠水,傷琴...

Coffee n Tea 說...

Eben︰

身手不凡,有過人之處,護主正好呀!

Coffee n Tea 說...

the8︰

講到煮食,呢位姐姐一定要參加再培訓課程!

Coffee n Tea 說...

minor︰

「金寶綠水」!我會記住架喇!

以上說話是如假包換的變音版本。

佛爺 說...

唔係人人屋企都有請「大姐姐」的。嘻嘻!

Coffee n Tea 說...

佛爺︰

如果係你筆下果啲「大姐姐」,我諗好多(男)人爭住請!:p

卡臣 說...

賣桔者言<--食字食得好

SKII 說...

我淨係想回應:哈哈哈哈!

嚴明 說...

當初聼到別人說"姐姐", 真的以爲是家姐:P 原來, 是現代家長, 為了使家中公主王子學會尊重家庸, 才改口説姐姐. 我又想, 對細路 (細路就是細路, 不能當成"朋友") 來説, 幾乎所有比他們大的女生, 都叫姐姐哦, 如此一來, 豈不是, 街上所有姐姐都是家庸! 為何不叫名? 

買琴的,果然是非富則貴,否則那職員也不會一口認定,妳家有家庸:) 哈,如果我去買琴,不知道他們會不會也跟我這樣說:P

Coffee n Tea 說...

卡臣︰

我有段時間常睇張五常,不過《賣桔者言》幾讀幾放下,終於都仍未睇完!:p

Coffee n Tea 說...

SKII︰

我常自嘲!

Coffee n Tea 說...

嚴明︰

你講得啱,應是近年興起的,嗨,果然通街都係姐姐!
>>買琴者非富則貴!
嚴明,我都想呀!雖然我絕不富貴,亦不貪戀富貴,但富貴有富貴的好處。(我咁講,可能有人想打我!:P) 你去買琴,佢哋可能驚男人不細心,直頭叫你帶家傭來聽培訓課程。:)

Related Posts Plugin for WordPress, Blogger...