2010年11月18日星期四

突然好想食雪糕

昨天中午自己一人外出食午飯。食完一個枯燥乏味的二餸飯後,心思思很想食雪糕,注意,是很想的想!要知道我已很久沒有刻意買雪糕給自己食了。猶豫緊要不要孤單一人行落個大斜去買雪糕時,雙腳已拾步往回走,但走不了三幾步,大腦又發出強烈想食雪糕的信號!我知我如果不能立馬食上一啖雪糕,我到夜晚上牀前都不會有好日子過!去!去買!我的人生還會有幾多這些霎時衝動呢!

去到7仔,一向給我混亂感覺的價錢牌,呢次又好清晰明瞭喎(係我睇明白了)。二支雪糕磚加一個雪糕杯的優惠裝,盛惠$38.8,我覺得好似好抵(少買,點知抵唔抵),於是選了這款。嘿,有冇人陪我癲下呀(咁啱你又有點空閒)?你認為我會食邊樣先呢?

對了,昨天我食雪糕時正好睇緊篤撐維園阿伯篇,即時哈哈地笑了,但冇噴飯一樣咯!不過當時辦公室得我一個人,笑完我有啲慄!

12 則留言:

Ebenezer 說...

唔怪得妳答得咁怪啦^^

BTW,妳一個人食晒三件ar?

Coffee n Tea 說...

Eben︰

極有可能,不過唔係一次過,我而家準備食第二了。
點呀?估下我食呢三件的次序吖!:)

l.minor 說...

士多啤利 ->Rocky Road->餘下果枝,如果$38.8,我都感覺好抵

Coffee n Tea 說...

minor︰

多謝你!我的次序係︰
餘下果枝->士多啤利->Rocky Road

抵呢!去7仔買吖,好好味呀!

篤篤篤撐 說...

我冇食 dreyers好耐了, 近幾年食 M字頭同 H字頭

Coffee n Tea 說...

篤篤︰

我基本上都少食雪糕,不過我今日食士多啤梨味的,又好唔錯!

卡臣 說...

support dairy form!

佛爺 說...

睇到流口水。

嚴明 說...

哈,我也會偶爾很想吃某些東西的衝動,但,一般,我能等, 一兩天吧:) 至於雪糕,不敢吃太多了,就算偶爾吃一點也覺得有點兒過份。Well, 還是會偶爾吃一點:P

Coffee n Tea 說...

卡臣︰

你似乎喜食雪糕喎!

Coffee n Tea 說...

佛爺︰

去買幾支食下吖!

Coffee n Tea 說...

嚴明︰

等一、二天後還想食呀?噢,可能更想食!
我一樣是很偶爾才食點,就算去食自助餐,我都很少食到雪糕。

Related Posts Plugin for WordPress, Blogger...