2010年11月25日星期四

懂道歉不是與生俱來的

回家前入了轉惠康,但終於咩都冇買。正準備由收銀旁邊的通道離開,身後不跟媽媽一起排隊購物的一名約四年班男孩,搶先行到我前面。突然果個男孩反手向後一飛自己手上拿著的外衣,外衣正好打在我的臉上,拉鍊扣撞擊我眼鏡片的聲清清楚楚。我沒有出聲,但企定望住個男孩,男孩轉過身來望下我,甚麼都沒有說,快速走去收銀機前等媽媽。我留意到那位媽媽的視線是見到剛才那一幕的,我,以為有人會道歉!我,以為有人會開聲教仔道歉!但,是沒有的!

我忍不住要開聲幫人教一次仔了!我先望了眼那媽媽,然後再望住那男孩,不慍不火地一字一字說道︰小朋友,你件衫打中我喎!(臉帶笑意)
哈!竟然冇反應!大人小孩都一樣。

我收起笑容,用嚴厲的眼神望著男孩,略提高聲線再說一次︰小朋友,你件衫打中我喎!

然後那男孩望住另一邊,對住空氣很不情願很細聲很模糊地說了︰對唔住!

我轉身離開,身後留下一串鄙視給那位時尚的媽媽!為甚麼沒有道歉的文化?不是只有故意犯錯才需道歉的!
 

22 則留言:

卡臣 說...


有怎樣的父母
便有怎樣的子女
我們的下一代點算呀

篤篤篤撐 說...

係呢d父母, 先會有o甘既細路~~

Otto 說...

大人覺得小朋友仲細, 乜都唔識, 但係其實已經不知不覺學左自己都唔知, 又或者做父母都冇留意自己既"德行"已經成為小朋友既典範.

說教,不如身教.

best actor 說...

不懂/不敢/不會說對不起﹐除了是缺乏涵養外﹐也是缺乏自信心和勇敢的表現。

外表裝得多時尚都沒啥用。

SKII 說...

真係唔明呢啲人!
但呢個世界真係好多,我以前試過有女生(當時都算後生,唔叫佢做"女人")喺超市裡成駕車車過來,撞倒我(同我駕車),竟然係個男朋友向我道歉,不過當年阿s好好火,唔收貨,同個男人講,撞倒我嘅唔係你,要講叫佢自己講!跟住佢哋掉頭走咗....

Coffee n Tea 說...

卡臣︰

我一見到啲基本禮貌都唔教的父母,就有火!

Coffee n Tea 說...

篤篤︰

就係!社會係大家嘅,教育兒女人人有責!

Coffee n Tea 說...

Otto︰

多謝留言!(去唔到你度嘅?)

其實昨晚果個我估讀四年班的男孩,長得幾高大下架!咁簡單的即時道歉都唔識,日後一定同人多摩擦,人際關係不良。

Coffee n Tea 說...

best actor︰

對!對!>>除了是缺乏涵養外﹐也是缺乏自信心和勇敢的表現。

愛孩子就要教曉孩子!

Coffee n Tea 說...

SKII︰

哈!睇了你講的,我都會同你一樣咁做。

我還很阿Q呢!我會諗到自己日行一善,教了別人一些東西。

Ebenezer 說...

看完妳這篇文,再回想一下最近有關香港學校問題的新聞,不勝唏噓!

那小朋友要say sorry需要勇氣,而妳去教別人的小朋友去say sorry更需要勇氣!賞妳一個讚^^

佛爺 說...

其實講句對唔住有乜咁難?

Coffee n Tea 說...

Eben︰

謝謝你!:)
被你睇穿我當時其實係有啲怯架!

Coffee n Tea 說...

佛爺︰

好明顯家長從未教導過!

laulong 說...

Coffee:

要練好氣牆,三步之內,蛇虫鼠蟻不敢埋身,俾人無意整到嘅機会就會細啲!

the8 說...

佢阿媽會諗『細路仔點識咁多嘢啫?』,但細路仔唔識你做人老母生得出個仔無理連咁基本的禮貌都唔識!

仲有一啲係地鐵推個仔去打尖要個仔霸埋佢個位嘅父母,真係無眼睇第時香港會係點!

嚴明 說...

Well, 他還是道歉了! 妳真厲害, 我可沒有那種耐性. 昨日同朋友外出, 下的士時, 朋友以爲有東西遺留在車上, 便擱在門邊, 回身看, 一看再看. 與此同時, 一個男人站在旁邊, 看來很想馬上上車. 最後朋友確定沒事了, 我馬上跟男人說了聲"sorry". 見他很黑的臉, 但也無奈說"it's ok" :D 我知道他其實很不ok, 但也得接受. 而我亦知道, 他雖不真的接受那道歉, 但我說了, 他的氣恨快就下, 否則, 可能要氣一個晚上.

真的, 我發覺, 就算外表看來是很爛的人, 只要我肯說一聲"sorry", 對方都會"接受", 感覺比"please" 更神奇! 沒錯, 人都只為一口氣, 也要強裝容人之量, 所以, 禮多人不怪:)

Coffee n Tea 說...

校長︰

氣場?即係行路時練丹田氣,校長一定要過二招來!

Coffee n Tea 說...

the8︰

對呀!你不提由自可,一提把幾火!車門一開,細路打尖衝入,驚撞親佢哋,然後一坐低二手一伸開霸住個位,大嗌︰媽咪,呢度!

你話死未!

Coffee n Tea 說...

嚴明︰

睇來一句sorry的用處真的好大!sorry的潛台詞應是︰我知我有令你唔好感受!

>>妳真厲害!
嘿!下次我寫返我有一次係深圳歡樂谷的經歷,你可能會再大跌眼鏡!

Armadillo 說...

咁嘅例子實在係太多喇,真係講三日三夜都講唔晒!𡃁仔喺公共場所wewa鬼叫,喺茶樓玩捉伊人,喺地鐵練短跑,做家長嘅竟然可以視若無睹,都唔知佢地係唔識教定係唔想教!

Coffee n Tea 說...

Arm︰

我覺得係家長懶得話,係,教細路係好辛苦的事,但生得出就要教,呢樣係好基本的責任來架!
試過好多次啲細路成程郁來郁去,隻鞋不斷踢下踢下過來,啲家長都唔出聲話,我出聲講,又好似我對孩子無啲包容,唉!

Related Posts Plugin for WordPress, Blogger...